തിരുവനന്തപുരം : സിപിഐഎമ്മിനെ വിമർശിച്ചാൽ കൊലപാതകമെന്ന് പരോക്ഷമായി പറഞ്ഞ് കവിയും കേരള സാഹിത്യ അക്കാദമി അധ്യക്ഷനുമായ കെ സച്ചിദാനന്ദന്റെ ഫേസ്ബുക്ക് പോസ്റ്റ്. ജയിൽ കഥകൾ പുരോഗമിക്കുന്നെന്നും എങ്ങോട്ട് പോകുന്നുവെന്ന് നോക്കാമെന്നുമാണ് ഫേസ്ബുക്ക് കുറിപ്പ്. 15 മിനുട്ടിനകം ഫേസ്ബുക്ക് പോസ്റ്റിൽ സച്ചിദാനന്ദൻ തിരുത്തൽ വരുത്തി. കൊലപാതകമെന്നത് അതിജീവിച്ചാൽ എന്നാക്കി മാറ്റി.
ജയിൽ കഥകൾ പുരോഗമിക്കുന്നു. മൂന്നെണ്ണം ആയി എന്നു പറഞ്ഞു തുടങ്ങുന്ന പോസ്റ്റ് അവസാനിപ്പിക്കുന്നത് കൊല ചെയ്യപ്പെട്ടില്ല എങ്കിൽ എന്ന് പറഞ്ഞാണ് പിന്നീട് ഫേസ്ബുക്ക് പോസ്റ്റ് തിരുത്തി അദ്ദേഹം അതിജീവിച്ചാൽ എന്ന് തിരുത്തുകയായിരുന്നു. ഇതിനിടെ ഇന്നലെ കെ സച്ചിദാനന്ദനെ കണ്ടത് വിവാദം അവസാനിപ്പിക്കാൻ അല്ലെന്ന് വൈസ് പ്രസിഡന്റും എഴുത്തുകാരനുമായ അശോകൻ ചരുവിൽ പറഞ്ഞു.
