തിരുവനന്തപുരം: മതവിശ്വാസങ്ങളിന്മേലുള്ള നഗ്നമായ കൈയേറ്റമാണ് തട്ടം പരാമര്ശത്തിലൂടെ സി.പി.എം നടത്തിയതെന്ന് കെ.പി.സി.സി അധ്യക്ഷന് കെ.സുധാകരന് എംപി. വിശ്വാസകാര്യങ്ങളില് ബിജെപിയുടെയും സി.പി.എമ്മിന്റെയും നിലപാടുകള് പാലും തേനും പോലെ ഒന്നാകുന്നതിന്റെ മറ്റൊരു ക്ലാസിക് ഉദാഹരണമാണിത്. തട്ടം ഒഴിവാക്കണമെന്ന് വാദിക്കുന്ന സി.പി.എമ്മും ഹിജാബ് നിരോധിച്ച ബി.ജെ.പിയും ഒരേ നാണയത്തിന്റെ ഇരുവശങ്ങളാണ്. രാജ്യത്തിന്റെ ബഹുസ്വരതയും വൈവിധ്യവും ഉള്ക്കൊള്ളാന് ബിജെപിക്കും സി.പി.എമ്മിനും സാധിക്കില്ല.
പ്രതിഷേധം ഉയര്ന്നപ്പോള് സി.പി.എം സംസ്ഥാന സമിതി അംഗം കെ.അനില്കുമാറും അദ്ദേഹത്തെ തള്ളിപ്പറഞ്ഞ് സി.പി.എം സെക്രട്ടറി എം.വി ഗോവന്ദനും രംഗത്തുവന്നെങ്കിലും അതുണ്ടാക്കിയ മുറിപ്പാടുകള് അവശേഷിക്കുകയാണ്. ഇത്തരം നിലപാടുകാര്ക്കെതിരെ സി.പി.എം തിരുത്തല് നടപടി സ്വീകരിക്കുമോയെന്നാണ് കേരളീയ സമൂഹത്തിന് അറിയേണ്ടത്. ഗണപതിയെ മിത്തെന്ന് വിശേഷിപ്പിച്ചും നാമജപഘോഷയാത്രയില് പങ്കെടുത്തവര്ക്കെതിരെയും ശബരിമല വിശ്വാസ സംരക്ഷകര്ക്കെതിരെയും പൗരത്വഭേദഗതിക്കെതിരെ പ്രതിഷേധിച്ചവര്ക്കെതിരെയും കേസെടുത്തും സി.പി.എം അസഹിഷ്ണുത പലതവണ പുറത്തുവന്നിട്ടുണ്ട്.
വിശ്വാസസ്വാതന്ത്ര്യവും വസ്ത്രധാരണസ്വാതന്ത്ര്യവും അഭിപ്രായ സ്വാതന്ത്ര്യവുമൊക്കെ ഇന്ത്യന് ഭരണഘടന ഉറപ്പ് നല്കുന്ന അവകാശങ്ങളാണ്. അതിന്മേല് തൊട്ടുകളിക്കാന് ആര്ക്കും അവകാശമില്ല. ഇത്തരം കാര്യങ്ങളില് രാഷ്ട്രീയ പ്രസ്ഥാനങ്ങള് കൈകടത്തുന്നതും അഭിപ്രായം പറയുന്നതും സൗഹാര്ദ അന്തരീക്ഷത്തെ തകര്ക്കും. സാമൂഹിക അന്തരീക്ഷം തകര്ക്കുന്ന വിഷയങ്ങളില് നിന്ന് അകലം പാലിക്കാനുള്ള വിവേകവും നൈതികതയും പൊതുപ്രവര്ത്തകര് കാട്ടണമെന്ന് സുധാകരന് ആവശ്യപ്പെട്ടു.
കേരളത്തിലെ ഒരു മുന്നിര ഓണ്ലൈന് വാര്ത്താ ചാനലാണ് പത്തനംതിട്ട മീഡിയാ. ജില്ലയിലെ പ്രാദേശിക വാര്ത്തകള്ക്ക് മുന്തൂക്കം നല്കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്ത്തകള് നിങ്ങള്ക്ക് ലഭിക്കുന്നത്. രാവിലെ 4 മണി മുതല് രാത്രി 12 മണിവരെ തടസ്സമില്ലാതെ എല്ലാ വാര്ത്തകളും ഉടനടി നിങ്ങള്ക്ക് ലഭിക്കും. ഇന്ഫര്മേഷന് & പബ്ലിക് റിലേഷന്സ് ഡിപ്പാര്ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്ലൈന് ചാനലാണ് പത്തനംതിട്ട മീഡിയ. വ്യാജ വാര്ത്തകളോ കെട്ടിച്ചമച്ച വാര്ത്തകളോ പത്തനംതിട്ട മീഡിയയില് ഉണ്ടാകില്ല. അതോടൊപ്പം നിങ്ങളുടെ നാട്ടില് നടക്കുന്ന വാര്ത്താ പ്രാധാന്യമുള്ള വിഷയങ്ങള് ഞങ്ങള്ക്ക് നേരിട്ട് റിപ്പോര്ട്ട് ചെയ്യുകയുമാകാം.
———————-
വാര്ത്തകള് നല്കുവാന് വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 /
mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
