തിരുവനന്തപുരം: ലോകായുക്തക്കെതിരെ കെപിസിസി പ്രസിഡന്റ് കെ. സുധാകരന് എംപി. ദുരിതാശ്വാസനിധി കേസ് മൂന്നംഗ ബെഞ്ചിനു വിട്ട നടപടി പുനഃപരിശോധിക്കണമെന്ന ഹര്ജി തള്ളിയ ലോകായുക്തയുടെ ഉത്തരവ്, ഉണ്ട വിരുന്നിനു നന്ദി കാട്ടിയതാണെന്ന് സുധാകരന് പറഞ്ഞു. കേസിന്റെ തുടക്കം മുതല് ഓരോ ഘട്ടത്തിലും മുഖ്യമന്ത്രിയെ രക്ഷിക്കാന് ലോകായുക്ത നടത്തിയ അട്ടിമറികള് പ്രകടമാണെന്നും സുധാകരന് ആരോപിച്ചു.
ഹൈക്കോടതി ഇടപെട്ടതിനുശേഷം മാത്രമാണ് ഇപ്പോള് ലോകായുക്ത കേസ് വീണ്ടും പരിഗണനയ്ക്ക് എടുത്തതെന്ന് സുധാകരന് ചൂണ്ടിക്കാട്ടി. അപ്പോഴാണ് ദുരിതാശ്വാസനിധി കേസ് ലോകായുക്തയ്ക്ക് പരിഗണനയ്ക്ക് എടുക്കാമോ എന്ന സന്ദേഹം ഉണ്ടായതും കേസ് ആദ്യം മുതല് വീണ്ടും പരിഗണിക്കാനായി ഫുള്ബെഞ്ചിന് വിട്ട് അനന്തമായി നീട്ടാനുള്ള നാടകം കളിച്ചതും. കടിക്കുകയും കുരയ്ക്കുകയുമില്ലാത്ത ഒരു സംവിധാനമായി ലോകായുക്തയെ മാറ്റിയതിന്റെ ഉത്തരവാദിത്വത്തില് നിന്നു മുഖ്യമന്ത്രി പിണറായി വിജയന് ഒഴിഞ്ഞുമാറാനാകില്ലെന്നു സുധാകരന് വ്യക്തമാക്കി. അതേസമയം മുഖ്യമന്ത്രിയുടെ ദുരിതാശ്വാസ നിധി ഫണ്ട് വകമാറ്റിയ കേസ് പുനപരിശോധന ആവശ്യപ്പെട്ട് പരാതിക്കാരന് സമര്പ്പിച്ച ഹര്ജി ലോകായുക്ത തള്ളി. ഹരജിക്കാരനായ ആര്എസ് ശശികുമാര് സമര്പ്പിച്ച റിവ്യൂ ഹര്ജിയാണ് തള്ളിയത്.
