തിരുവനന്തപുരം: രാഹുല് ഗാന്ധിയെ അയോഗ്യനാക്കിയ തീരുമാനത്തിനെതിരെ കെപിസിസി അധ്യക്ഷന് കെ സുധാകരന്. ജനാധിപത്യത്തെ കൊന്നുവെന്ന് രൂക്ഷ പ്രതികരണവുമായി കെ സുധാകരന് ആഞ്ഞടിച്ചു. തീരുമാനം ജനാധിപത്യത്തിന്റെ കഴുത്തില് കത്തിവയ്ക്കുന്നതിന് തുല്യമാണെന്ന് കെ സുധാകരന് പറഞ്ഞു. ഈ രാജ്യത്തിന്റെ ജനാധിപത്യവും മതേതരത്വവും തകര്ന്നുകൊണ്ടിരിക്കുകയാണെന്നും സുധാകരന് കുറ്റപ്പെടുത്തി.
അതേസമയം രാഹുല് ഗാന്ധിക്കെതിരെ മുതിര്ന്ന കോണ്ഗ്രസ് നേതാവ് എകെ ആന്റണിയുടെ മകന് അനില് ആന്റണി രംഗത്തെത്തി. ഒരു വ്യക്തിയുടെ മണ്ടത്തരങ്ങളില് പാര്ട്ടി ശ്രദ്ധ കേന്ദ്രീകരിക്കരുതെന്നും രാജ്യത്തിന്റെ പ്രശ്നങ്ങളില് പ്രവര്ത്തിക്കണമെന്നും അനില് ട്വീറ്റ് ചെയ്തു. എംപി സ്ഥാനത്ത് നിന്നും രാഹുല് ഗാന്ധി അയോഗ്യനാക്കപ്പെട്ട നടപടിക്ക് പിന്നാലെയാണ് അനിലിന്റെ പ്രതികരണം. രാജ്യത്തിന്റെ പ്രശ്നങ്ങളില് പാര്ട്ടി ശ്രദ്ധ കേന്ദ്രീകരിച്ചില്ലെങ്കില് 2024 ന് അപ്പുറത്തേക്ക് കോണ്ഗ്രസ് നിലനില്ക്കില്ലെന്നും അനില് പരിഹസിച്ചു.
