കണ്ണൂര്: ജില്ലയില് യു.ഡി.എഫിന് അഞ്ചുസീറ്റ് ഉറപ്പെന്ന് കെ.സുധാകരന് എം.പി. ഏതൊക്കെ സീറ്റുകളാണ് വിജയിക്കുകയെന്ന് ഇപ്പോള് പറയുന്നില്ലെന്നും സുധാകരന് പറഞ്ഞു.
തളിപ്പറമ്പ് മണ്ഡലത്തില് സി.പി.എം വ്യാപകമായി കള്ളവോട്ട് ചെയ്തെന്നും എം.വി ഗോവിന്ദന് മാസ്റ്ററെപ്പോലൊരാളില് നിന്നും ഇങ്ങനെ പ്രതീക്ഷിച്ചില്ലെന്നും സുധാകരന് പറഞ്ഞു. യു.ഡി.എഫ് സ്ഥാനാര്ഥിയുടെ വാഹനം തടഞ്ഞുവെച്ച് ആക്രമിച്ചെന്നും സുധാകരന് പറഞ്ഞു. പ്രായമായ മുസ്ലിം സ്ത്രീകളെ ആക്രമിക്കുന്ന ദൃശ്യങ്ങള് സമൂഹമാധ്യമങ്ങളില് പ്രചരിക്കുന്നുണ്ടെന്നും സുധാകരന് പറഞ്ഞു. ധര്മടത്തും തളിപ്പറമ്പും ഒഴികെയുള്ള ഇടങ്ങളില് അക്രമം കുറവായിരുന്നു. അഴീക്കോട് മണ്ഡലം കൈവിടില്ലെന്ന് ഉറപ്പാണെന്നും സുധാകരന് പറഞ്ഞു.
