തിരുവനന്തപുരം : കെഎസ്ആര്ടിസിയിലെ പ്രശ്നങ്ങള് പരിഹരിക്കാന് സര്ക്കാരും മുഖ്യമന്ത്രിയും ഒരു ആത്മാര്ത്ഥയും കാട്ടുന്നില്ലെന്ന് കെപിസിസി പ്രസിഡന്റ് കെ.സുധാകരന്. അധികാരത്തിലെത്തിയത് മുതല് കെഎസ്ആര്ടിസിയെ വെറും കറവപ്പശുവിനെപ്പോലെ മാത്രമാണ് സര്ക്കാര് കാണുന്നത്. തൊഴിലാളികളെ പ്രതിസ്ഥാനത്ത് നിര്ത്തി സര്ക്കാരിന്റെയും മാനേജ്മെന്റിന്റെയും കഴിവേട് മറയ്ക്കാന് ശ്രമിക്കുന്നത് കടുത്ത തൊഴിലാളി വഞ്ചനയാണെന്നും സുധാകരന് പറഞ്ഞു.
പ്രതിമാസം കെഎസ്ആര്ടിസി വരുമാനം ഉണ്ടാക്കിയിട്ടും മാനേജ്മെന്റ് തലത്തിലെ കെടുകാര്യസ്ഥതയാണ് നിലവിലെ പ്രതിസന്ധിക്ക് കാരണം. ഡീസല് പ്രതിസന്ധി ചൂണ്ടിക്കാട്ടി കെഎസ്ആര്ടിസി 50 ശതമാനം ഓര്ഡിനറി സര്വീസുകള് വെട്ടിക്കുറച്ച നടപടി പ്രതിഷേധാര്ഹവും പൊതുജനങ്ങളെ ദ്രോഹിക്കുന്നതുമാണെന്ന് കെ.സുധാകരന് പറഞ്ഞു.