കാസര്കോട് : കോഴിവില പകുതിയായി കുറഞ്ഞു. 160 രൂപ വരെ വിലയുണ്ടായിരുന്ന കോഴിക്കാണ് ഒറ്റയടിക്ക് വിലകുറഞ്ഞിരിക്കുന്നത്. ട്രോളിംഗ് നിരോധനം നീങ്ങിയതും മീന്വരവ് കൂടിയതുമാണ് കോഴി വിപണിക്ക് തിരിച്ചടിയായത്. വില ഇനിയും കുറയാനാണ് സാധ്യതയെന്ന് വ്യാപാരികള് പറയുന്നു. തമിഴ്നാട്-കര്ണാടക സംസ്ഥാനങ്ങളില് നിന്ന് കൂടുതല് കോഴികള് എത്തുന്നതും വില ഇടിയാന് കാരണമായി. കേരളത്തില് നിന്ന് കോഴി ഉല്പാദനം കൂടിയതും വില കുറയാനുള്ള മറ്റൊരു കാരണമായി. പള്ളിക്കരയില് വെള്ളിയാഴ്ച മീന് ചാകര ഉണ്ടായതോടെയാണ് പൂച്ചക്കാട്ട് കോഴിവില 69 രൂപയിലേക്ക് കുറയ്ക്കാന് വ്യാപാരികള് നിര്ബന്ധിതരായത്. കാഞ്ഞങ്ങാട് കല്ലൂരാവിയില് 75 രൂപയാണ് ശനിയാഴ്ചത്തെ കോഴിവില.
