തിരുവനന്തപുരം: മോണ്സന് മാവുങ്കല് തട്ടിപ്പുകേസില് കെപിസിസി പ്രസിഡന്റ് കെ.സുധാകരനെ ക്രൈംബ്രാഞ്ച് അറസ്റ്റ് ചെയ്തിട്ട് 24 മണിക്കൂര് കഴിഞ്ഞിട്ടും രാഹുല്ഗാന്ധി പ്രതികരിക്കാത്തത് സുധാകരന് കുറ്റം ചെയ്തെന്ന് ബോധ്യമായത് കൊണ്ടാണെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. ഒരു കെപിസിസി പ്രസിഡന്റിന്റെ പേരില് ഇത്രയും ഗുരുതരമായ കേസ് രജിസ്റ്റര് ചെയ്തിട്ടും കോണ്ഗ്രസ് ഹൈക്കമാന്ഡ് മിണ്ടാത്തത് സിപിഎമ്മുമായുള്ള അവിശുദ്ധസഖ്യത്തിന്റെ തെളിവാണെന്നും സുരേന്ദ്രന് പ്രസ്താവനയില് പറഞ്ഞു.
സുധാകരനും വിഡി സതീശനുമതിരായ കേസുകളില് ഇതുവരെ മെല്ലെപോക്ക് നടത്തിയ പോലീസ് ഇപ്പോള് കാണിക്കുന്ന ധൃതി രാഷ്ട്രീയ അഡ്ജസ്റ്റ്മെന്റിനു വേണ്ടിയുള്ളതാണ്. അതുകൊണ്ടാണ് സുധാകരനെതിരെ സ്റ്റേഷന് ജാമ്യം ലഭിക്കുന്ന വകുപ്പ് മാത്രം ചുമത്തിയത്. കെപിസിസി പ്രസിഡന്റിനെ അറസ്റ്റ് ചെയ്തിട്ടും കോണ്ഗ്രസുകാര് പ്രതിഷേധിക്കാത്തത് അഡ്ജസ്റ്റ്മെന്റ് രാഷ്ട്രീയത്തിന് അടിവരയിടുകയാണെന്നും കെ.സുരേന്ദ്രന് പറഞ്ഞു.
