കാസര്ഗോഡ് : മഞ്ചേശ്വരത്ത് 130ാം ബൂത്തില് വോട്ടര്മാരെ വോട്ടുചെയ്യാന് അനുവദിച്ചില്ലെന്ന് ആരോപിച്ച് ബിജെപിയുടെ വന് പ്രതിഷേധം. മണ്ഡലത്തിലെ ഈ ബൂത്തില് വോട്ടെടുപ്പ് തുടങ്ങാന് വൈകിയതിനാല് ഏഴ് മണിക്ക് പോളിംഗ് പൂര്ത്തിയായില്ല.
ബൂത്തില് ആറ് മണിക്ക് ശേഷം എത്തിയവരുടെ തിരിച്ചു പോകാന് ആവശ്യപ്പെട്ടതായാണ് ആരോപണം. ഇവിടെ രാവിലെ 9 മണിക്കാണ് വോട്ടിംഗ് ആരംഭിച്ചത്. ബൂത്തില് ആറ് മണിക്ക് ശേഷം എത്തിയവര്ക്ക് വോട്ട് ചെയ്യാന് അനുവാദം നല്കിയതുമില്ല.
അവസാന മണിക്കൂറില് എത്തിയവര്ക്ക് അവസരം നല്കിയില്ലെന്ന് ആരോപിച്ച് കെ.സുരേന്ദ്രന്റെ നേതൃത്വത്തില് ബിജെപി പ്രവര്ത്തകര് ബൂത്തിന് മുന്നില് പ്രതിഷേധിക്കുന്നു. വോട്ട് ചെയ്യിപ്പിക്കാതെ മടങ്ങില്ലെന്ന് കെ.സുരേന്ദ്രന് ഉറച്ചുപറയുന്നു. അതല്ലെങ്കില് തന്നെ അറസ്റ്റ് ചെയ്യേണ്ടിവരുമെന്നും സുരേന്ദ്രന് പറഞ്ഞു.
