തിരുവനന്തപുരം : ഗവര്ണറെ ചാന്സിലര് സ്ഥാനത്ത് നിന്നും മാറ്റാനുള്ള ബില് നിയമസഭയില് പാസായതിലൂടെ ഭരണപക്ഷവും പ്രതിപക്ഷവും തമ്മിലുള്ള ഒത്തുകളി വ്യക്തമായതായി ബിജെപി സംസ്ഥാന അദ്ധ്യക്ഷന് കെ.സുരേന്ദ്രന്. കേരളത്തിലെ 14 സര്വ്വകലാശാലകളിലും സിപിഎമ്മിന്റെ ആധിപത്യം സ്ഥാപിക്കാനുള്ള ബില്ലിനെ അനുകൂലിച്ച വിഡി സതീശനെ പിണറായി മന്ത്രിസഭയിലെ ഉപമുഖ്യമന്ത്രിയാക്കുന്നതാണ് നല്ലതെന്നും സുരേന്ദ്രന് പരിഹസിച്ചു. പ്രതിപക്ഷ ധര്മ്മം മറന്നതുകൊണ്ടാണ് യുഡിഎഫ് ജനാധിപത്യവിരുദ്ധമായ ബില്ലിനെ എതിര്ക്കാതിരുന്നത്. സ്വജനപക്ഷപാതവും അഴിമതിയും നടത്താനാണ് സര്ക്കാര് ഗവര്ണറെ ചാന്സിലര് സ്ഥാനത്ത് നിന്നും മാറ്റുന്നത്. ഇതിന് ഓശാന പാടുകയാണ് പ്രതിപക്ഷമെന്നും കെ.സുരേന്ദ്രന് കുറ്റപ്പെടുത്തി.
മുസ്ലിംലീഗിന്റെ സമ്മര്ദ്ദത്തിന് വഴങ്ങിയാണ് കോണ്ഗ്രസ് നിലപാട് മാറ്റിയത്. അഴിമതിയും സ്വജനപക്ഷപാതവും വര്ഗീയതയും മുഖമുദ്രയാക്കിയ ലീഗില് നിന്നും മറിച്ചൊരു സമീപനം പ്രതീക്ഷിക്കേണ്ടതില്ല. കോണ്ഗ്രസില് ആത്മാഭിമാനമുള്ളവര്ക്ക് പ്രവര്ത്തിക്കാന് സാധിക്കാത്ത സാഹചര്യമാണുള്ളത്. സുപ്രീംകോടതി ഉള്പ്പെടെയുള്ള നീതിന്യായ കോടതികള്ക്ക് മുമ്പില് പരാജയപ്പെട്ട സര്ക്കാര് നിയമസഭയെ ഉപയോഗിച്ച് അതെല്ലാം അട്ടിമറിക്കാന് ശ്രമിക്കുകയാണ്. സര്വ്വകലാശാലകളുടെ സ്വയം ഭരണം തകര്ക്കാനും വിദ്യാര്ത്ഥികളുടെ ഭാവി ഇല്ലാതാക്കാനുമാണ് സര്ക്കാരും പ്രതിപക്ഷവും ശ്രമിക്കുന്നത്.
സര്ക്കാരിന്റെ നിലപാട് കാരണം സംസ്ഥാനത്തെ പതിനായിരക്കണക്കിന് സര്വ്വകലാശാല വിദ്യാര്ത്ഥികള് ആശങ്കയിലാണ്. അവരുടെ ഭാവിക്ക് ഭീഷണിയാണ് നിയമസഭയില് അവതരിപ്പിച്ച ബില്. ഇപ്പോള് തന്നെ നാഥനില്ലാ കളരിയാണ് കേരളത്തിലെ സര്വ്വകലാശാലകള്. ഭരണഘടനാവിരുദ്ധവും യുജിസി നിയമങ്ങള്ക്കെതിരുമായ ബില്ലിനെതിരെ ബിജെപി പോരാടുമെന്നും കെ. സുരേന്ദ്രന് പറഞ്ഞു.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.
