പാലക്കാട്: വ്യാജരേഖ കേസില് അറസ്റ്റിലായ കെ വിദ്യ ഒളിവില് താമസിച്ചത് മുന് എസ്എഫ്ഐ പ്രവര്ത്തകന് റോവിത് കുട്ടോത്തിന്റെ വീട്ടിലെന്ന് വിവരം. സിപിഎം സൈബര് പോരാളിയും കാലിക്കറ്റ് യൂണിവേഴ്സിറ്റിയിലെ മുന് എസ്എഫ്ഐ പ്രവര്ത്തകനുമാണ് റോവിത്. സിപിഎം പ്രവര്ത്തകര് വഴിയാണ് വിദ്യ ഇവിടെ എത്തിയത് എന്നാണ് പുറത്ത് വരുന്ന വിവരം. വിദ്യയുടെ റിമാന്റ് റിപ്പോര്ട്ട് പുറത്ത് നേരത്തെ പുറത്ത് വന്നിരുന്നു.
അതേസമയം കെ.വിദ്യയെ ജൂലൈ ആറുവരെ റിമാന്ഡ് ചെയ്തു. മണ്ണാര്ക്കാട് മുന്സിഫ് മജിസ്ട്രേട്ട് കോടതിയുടേതാണ് ഉത്തരവ്. വിദ്യയുടെ ജാമ്യാപേക്ഷ മണ്ണാര്ക്കാട് കോടതി ശനിയാഴ്ച പരിഗണിക്കും. ഭീകരവാദികളെ കൈകാര്യം ചെയ്യുന്നതു പോലെയാണ് വിദ്യയെ പോലീസ് കൈകാര്യം ചെയ്യുന്നതെന്നും ഒരു ദിവസത്തെ കസ്റ്റഡി മാത്രമേ അനുവദിക്കാവൂ എന്നും അഭിഭാഷകന് ആവശ്യപ്പെട്ടു. എന്നാല് വ്യാജ രേഖ സംബന്ധിച്ച് കൂടുതല് വിവരങ്ങള് വിദ്യയില്നിന്നു ലഭ്യമാക്കേണ്ടതുണ്ടെന്ന പോലീസ് വാദം കോടതി അംഗീകരിച്ചു.
