ആലപ്പുഴ : കൈനകരി ഗ്രാമപഞ്ചായത്തിന്റെ പുതിയ ഓഫീസ് മന്ദിരം തദ്ദേശ സ്വയംഭരണ മന്ത്രി എം.വി ഗോവിന്ദന്‍ മാസ്റ്റര്‍ ഇന്ന് (മെയ് 8) ഉദ്ഘാടനം ചെയ്യും. ഉച്ചകഴിഞ്ഞ് മൂന്നിന് നടക്കുന്ന ചടങ്ങില്‍ കോണ്‍ഫറന്‍സ് ഹാളിന്റെ ഉദ്ഘാടനം ഫിഷറീസ് മന്ത്രി സജി ചെറിയാന്‍ നിര്‍വഹിക്കും. തോമസ് കെ തോമസ് എം.എല്‍.എ അധ്യക്ഷത വഹിക്കും. മുന്‍ എം.എല്‍.എമാരെയും മുന്‍ പഞ്ചായത്ത് പ്രസിഡന്റുമാരെയും കൊടിക്കുന്നില്‍ സുരേഷ് എം.പി ആദരിക്കും. ദുരിതാശ്വാസ സഹായ വിതരണോദ്ഘാടനം ജില്ലാ പഞ്ചായത്ത് പ്രസിഡന്റ് കെ.ജി രാജേശ്വരി നിര്‍വഹിക്കും.
ബ്ലോക്ക് പഞ്ചായത്ത് പ്രസിഡന്റ് ജിന്‍സി ജോളി, മുന്‍ എം.എല്‍.എ മാരായ സി.കെ സദാശിവന്‍, കെ.കെ ഷാജു, ജില്ലാ പഞ്ചായത്തംഗങ്ങളായ ഗീത ബാബു, ബിനു ഐസക് രാജു, തദ്ദേശ സ്വയംഭരണ വകുപ്പ് ജോയിന്റ് ഡയറക്ടര്‍ വി. പ്രദീപ്കുമാര്‍, പഞ്ചായത്ത് ഡെപ്യൂട്ടി ഡയറക്ടര്‍ എസ്.ശ്രീകുമാര്‍, കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ ജെ.പ്രശാന്ത് ബാബു, ബ്ലോക്ക് പഞ്ചായത്തംഗങ്ങളായ രജനി അജിത്കുമാര്‍, ശ്രീദേവി രാജന്‍, മധു സി കൊളങ്ങര, ഗ്രാമപഞ്ചായത്ത് സ്റ്റാന്റിംഗ് കമ്മിറ്റി അധ്യക്ഷരായ കെ.കെ പ്രമോദ്, സബിത മനു, സന്തോഷ് പട്ടണം, ഗ്രാമപഞ്ചായത്ത് അംഗങ്ങള്‍ തുടങ്ങിയവര്‍ പങ്കെടുക്കും. ഗ്രാമപഞ്ചായത്ത് പ്രസിഡന്റ് എം.സി പ്രസാദ് സ്വാഗതവും സെക്രട്ടറി ടി.എഫ് സെബാസ്റ്റ്യന്‍ നന്ദിയും പറയും.
