കാലടി: ശ്രീ മൂലനഗരം ഗ്രാമപഞ്ചായത്തില് മില്ലുംപടിക്ക് സമീപത്ത് താമസിക്കുന്ന വയോധികരായ ദമ്പതികള് ആത്മഹത്യ ചെയ്തു. പാരതെറ്റയിലെ വിഘ്നേശ്വര വീട്ടില് സുകുമാരന് നായര്(67) ശാരദ(64) എന്നിവരെയാണ് മരിച്ച നിലയില് കണ്ടെത്തിയത്. ഇന്ക്വസ്റ്റ് പൂര്ത്തിയാക്കി മൃതദ്ദേഹങ്ങള് കളമശ്ശേരി മെഡിക്കല് കോളജിലേക്ക് മാറ്റും.
മരണത്തിന് ആരും ഉത്തരവാദികളല്ല, തങ്ങളുടെ ഇഷ്ടപ്രകാരമാണ് ഇത് ചെയ്യുന്നതെന്ന് എഴുതിയ കുറിപ്പ് വീടിനുള്ളില് നിന്ന് കണ്ടെത്തിയതായി കാലടി സി.ഐ.അബ്ദുള് ലത്തീഫ് പറഞ്ഞു. എഴുത്ത് കുറിപ്പടയും ബന്ധുക്കള് തിരിച്ചറിഞ്ഞതായി സി.ഐ.പറഞ്ഞു.
സാമ്പത്തികമായി ഉയര്ന്ന നിലയിലുള്ള ദബതികള് വീട്ടില് ഒറ്റപ്പെട്ട നിലയിലാണ് താമസിച്ചിരുന്നത്. അനാരോഗ്യവും വാര്ദ്ധക്യത്തിലെ ഒറ്റപ്പെടലുമാണ് മരണത്തിന് കാരണമെന്ന് നാട്ടുകാര് കരുതുന്നു.
രണ്ട് മക്കളാണ് ദമ്പതികള്ക്കുള്ളത്. സുശാന്ത് (ആസ്ട്രേലിയ), സുരാജ്( മുംബൈ) എന്നിവരാണ് മക്കള്.
