കലഞ്ഞൂർ : വിദ്യയ്ക്ക് കൈതാങ്ങായി കലഞ്ഞൂർ വില്ലേജ് ഓഫീസിലെ ജീവനക്കാരും. ഭർത്താവിൻ്റെ ആക്രമണത്തിൽ ഗുരുതരമായി രണ്ട് കൈയ്ക്കും പരിക്കേറ്റ് ചികിൽസയിൽ കഴിയുന്ന കലഞ്ഞൂർ, പറയൻ കോട്, ചാവടി മലയിൽ വിദ്യയ്ക്ക് കൈതാങ്ങായി വില്ലേജ് ജീവനക്കാരും. കൂടൽ പോലീസ് സ്റ്റേഷനിൽ രജിസ്റ്റർ ചെയ്തിട്ടുള്ള ക്രൈം 660/22 നമ്പർ കേസിൻ്റെ തെളിവിലേക്ക് പത്തനംതിട്ട ജുഡിഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കുന്നതിന് കൃത്യ സ്ഥല പ്ലാൻ തയ്യാറാക്കുന്നതിനായിട്ടാണ് കലഞ്ഞൂർ വില്ലേജ് ഓഫീസർ അരുൺ ആർ ഉം ജീവനക്കാരും കൃത്യം നടന്ന ചാവടി മലയിൽ വീട്ടിൽ എത്തിയത്. ഈ സമയത്ത് തൊട്ട് അടുത്ത ബന്ധുവീട്ടിൽ കഴിയുന്ന വിദ്യയെ സന്ദർശിക്കുകയും അവർക്ക് ആശ്വാസമായി വില്ലേജ് ജീവനക്കാർ ധനസഹായം നൽകുകയും ചെയ്തു. വില്ലേജ് ഓഫീസറെ കൂടാതെ വില്ലേജ് അസിസ്റ്റൻറ് രതീഷ്.കെ, വില്ലേജ് ഫീൽഡ് അസിസ്റ്റൻറ് കെ.രാധാകൃഷ്ണപിള്ള എന്നിവരും സന്നിഹിതരായിരുന്നു.
