കോട്ടയം : ക്രിസ്തുമസ് ലക്ഷ്യമിട്ട് തയാറാക്കിയ 1300 ലിറ്റർ കോടയും വാറ്റുപകരണങ്ങളും പിടികൂടി. കാഞ്ഞിരപ്പള്ളി കോരുത്തോട് കൊമ്പ് കുത്തി വനത്തിലെ ഒഴപ്പ് തോടിന്‍റെ കരയിൽ നിന്നും കോട്ടയം എക്‌സൈസ് ഇന്റലിജൻസ് ബൂറോയ്ക്ക് ലഭിച്ച രഹസ്യവിവരത്തെ തുടർന്ന് കോട്ടയം സ്‌പെഷ്യൽ സ്ക്വാഡ് സർക്കിൾ ഇൻസ്‌പെക്ടർ രാജേഷ് ജോണിന്‍റെ നേതൃത്വത്തിൽ നടത്തിയ തിരച്ചിലിലാണ് കോട കണ്ടെടുത്തത്.
ചാരായം നിർമ്മിച്ചുകൊണ്ടിരുന്ന പെരുവന്താനം മതമ്പ എസ്റ്റേറ്റ് കരയിൽ സനൽ എക്‌സൈസിനെ കണ്ട് വനത്തിലൂടെ ഓടി രക്ഷപ്പെട്ടു. വലിയ ഇരുമ്പ് വീപ്പയിൽ ദ്വാരങ്ങളുണ്ടാക്കി ആധുനിക രീതിയിലാണ് മാസങ്ങളായി പ്രതി ചാരായം നിർമ്മിച്ചുകൊണ്ടിരുന്നത്. ഇരുമ്പ് വീപ്പകളിലും വനത്തിൽ വലിയ കുഴികുഴിച്ച് പടുതാ കുഴിയിലുമായാണ് കോട സൂക്ഷിച്ചിരുന്നത്.
ലിറ്ററിന് 1500 രൂപ നിരക്കിലായിരുന്നു മാസങ്ങളായി ചാരായം വിറ്റിരുന്നത്. പാമ്പുകളും അട്ടകളുമുള്ള പ്രദേശത്തായിരുന്നു വാറ്റുകേന്ദ്രം. റെയ്ഡിൽ ഇന്റലിജൻസ് പ്രിവന്റീവ് ഓഫീസർമാരായ അരുൺ സി.ദാസ്, മേഘനാഥൻ, രഞ്ജിത് നന്ത്യാട്ട്, സ്ക്വാഡ് അംഗങ്ങളായ എം.നൗഷാദ്, ദീപു ബാലകൃഷ്ണൻ, വിശാഖ്, കെ.കെ അനിൽകുമാർ എന്നിവർ പങ്കെടുത്തു.
MBA, BBA ഫ്രെഷേഴ്സിന് മാധ്യമ രംഗത്ത് അവസരം
Eastindia Broadcasting Pvt. Ltd. ന്റെ ഓണ്‍ ലൈന്‍ ചാനലുകളായ PATHANAMTHITTA MEDIA (www.pathanamthittamedia.com), NEWS KERALA 24 (www.newskerala24.com) എന്നിവയുടെ മാര്‍ക്കറ്റിംഗ് വിഭാഗത്തിലേക്ക് യുവതീയുവാക്കളെ ആവശ്യമുണ്ട്. MBA, BBA ഫ്രെഷേഴ്സിനും പത്ര ദൃശ്യ മാധ്യമങ്ങളുടെ പരസ്യ വിഭാഗത്തില്‍ പരിചയമുള്ളവര്‍ക്കും അപേക്ഷിക്കാം. അപേക്ഷകള്‍ [email protected] ലേക്ക് അയക്കുക. പാസ്പോര്‍ട്ട്‌ സൈസ് ഫോട്ടോ ഉള്ളടക്കം ചെയ്തിരിക്കണം. പത്തനംതിട്ട ഓഫീസ് കേന്ദ്രീകരിച്ചായിരിക്കും ജോലി. നിലവിലുള്ള ഒഴിവുകള്‍ – 06. കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
