ബെംഗളുരു: അഴിമതി ആരോപണം നേരിടുന്ന കര്ണാടക ബിജെപി എംഎല്എ മാഡല് വിരൂപാക്ഷപ്പ വീണ്ടും അറസ്റ്റില്. അഴിമതിക്കേസില് ആണ് വിരൂപക്ഷപ്പയെ പോലീസ് അറസ്റ്റ് ചെയ്തത്. വിരൂപാക്ഷപ്പയുടെ മുന്കൂര് ജാമ്യാപേക്ഷ ഇന്ന് കര്ണാടക ഹൈക്കോടതി തള്ളിയിരുന്നു. കര്ണാടക ലോകായുക്ത രജിസ്റ്റര് ചെയ്ത അഴിമതിക്കേസില് ഒന്നാം പ്രതിയാണ് മാഡല് വിരൂപാക്ഷപ്പ. മൈസൂര് സാന്ഡല് സോപ്സ് നിര്മിക്കാനുള്ള നിര്മാണ സാമഗ്രികള് കൂട്ടത്തോടെ വിതരണം ചെയ്യാനുള്ള കരാര് നല്കാന് 81 ലക്ഷം രൂപ കൈക്കൂലി ചോദിച്ചെന്നതാണ് കേസ്.
വിരൂപാക്ഷപ്പ സര്ക്കാര് ഉടമസ്ഥതയിലുള്ള കര്ണാടക സോപ്സ് ആന്ഡ് ഡിറ്റര്ജന്റ്സ് ലിമിറ്റഡിന്റെ (കെഡിഎസ്എല്) ചെയര്മാനായിരിക്കെ കൈക്കൂലി വാങ്ങിയെന്ന പരാതിയെ തുടര്ന്നാണ് കേസ്. അഴിമതിക്കേസിലെ മുഖ്യപ്രതി വിരൂപാക്ഷപ്പ എംഎല്എയുടെ മകന് വി പ്രശാന്ത് മടലിനെ ലോകായുക്ത അറസ്റ്റ് ചെയ്തിരുന്നു.