കാര്‍ത്തികപ്പള്ളി കോളേജ് ഓഫ് അപ്ലൈഡ് സയന്‍സില്‍ ബിരുദ കോഴ്‌സുകള്‍ക്ക് അപേക്ഷിക്കാം

ആലപ്പുഴ : കേരള യൂണിവേഴ്‌സിറ്റിയില്‍ അഫിലിയേറ്റ് ചെയ്തിട്ടുള്ള ഐ.എച്.ആര്‍.ഡി യുടെ കോളേജ് ഓഫ് അപ്ലൈഡ് സയന്‍സ് കാര്‍ത്തികപ്പള്ളിയില്‍ ബിരുദ കോഴ്‌സുകള്‍ക്ക് അപേക്ഷ ക്ഷണിച്ചു. 50% സീറ്റുകളില്‍ സര്‍വ്വകലാശാലയും 50% സീറ്റുകളില്‍ കോളേജുമാണ് പ്രവേശനം നടത്തുന്നത്. എസ്.സി./ എസ്.റ്റി./ ഒ.ബി.സി കുട്ടികള്‍ക്ക് സര്‍ക്കാര്‍ അംഗീകൃത ഇളവുകളുണ്ടാകും. കോളേജിന്റെ സീറ്റുകളില്‍ പരിഗണിക്കുന്നതിനായി സെപ്റ്റംബര്‍ അഞ്ചിനകം www.keralauniversity.ac.in വഴി അപേക്ഷിച്ച് www.ihrdadmissions.org എന്ന വെബ്‌സൈറ്റില്‍ രജിസ്റ്റര്‍ ചെയ്ത് പ്രിന്റ് ഔട്ട് കോളജില്‍ നല്‍കണം. വിശദവിവരത്തിന് ഫോണ്‍; 8547005018, 9495069307, 0479 2485370.