തിരുവനന്തപുരം : കേരള അഡ്മിനിസ്ട്രേറ്റീവ് സര്വീസിലെ ഉദ്യോഗസ്ഥരുടെ ശമ്പളത്തില് മാറ്റമില്ല. 81,800 രൂപ അടിസ്ഥാന ശമ്പളമായി നിശ്ചയിച്ച് സര്ക്കാര് ഉത്തരവിറങ്ങി. വിഷയത്തില് സിവില് സര്വീസ് ഉദ്യോഗസ്ഥര് ഉയര്ത്തിയ പ്രതിഷേധം തള്ളിയാണ് സര്ക്കാര് അന്തിമ ഉത്തരവിറക്കിയത്. കേരള അഡ്മിനിസ്ട്രേറ്റീവ് സര്വീസിലെ ഉദ്യോഗസ്ഥരുടെ ശമ്പളo നിശ്ചയിച്ചതില് പ്രതിഷേധവുമായി അഖിലേന്ത്യ സര്വീസ് ഉദ്യോഗസ്ഥര് രംഗത്തെത്തിയിരുന്നു.
അടിസ്ഥാന ശമ്പളത്തോടൊപ്പം കെഎസ്എസ് ഉദ്യോഗസ്ഥര്ക്ക് ഗ്രേഡ് പേ, എച്ച്ആര്എ, ഡിഎ എന്നീ മൂന്ന് ആനുകൂല്യങ്ങളും നല്കാന് നേരത്തെ തീരുമാനിച്ചിരുന്നു. ഇതോടെ 8,100 രൂപയുടെ കുറവ് ശമ്പളത്തിലുണ്ടാകും. കഴിഞ്ഞ മന്ത്രിസഭാ യോഗത്തിലാണ് കെഎഎസ് ഉദ്യോഗസ്ഥര്ക്ക് 81,800 രൂപ അടിസ്ഥാന ശമ്പളം നിശ്ചയിച്ച് തീരുമാനമായത്. സിവില് സര്വീസ് ഉദ്യോഗസ്ഥരെക്കാള് ശമ്പളം കെഎഎസ് ഉദ്യോഗസ്ഥര്ക്ക് നല്കുന്നത് അംഗീകരിക്കാനാകില്ലെന്നും സ്പെഷ്യല് പേ നല്കണമെന്ന ആവശ്യവുമായി ഐ.എ.എസ്. അസോസിയേഷന് ശക്തമായി രംഗത്തെത്തിയിരുന്നു.
