കാസര്ഗോഡ്: കാസര്ഗോഡ് റെയില് പാതയിലൂടെ നടന്ന വയോധികന് വന്ദേഭാരത് തട്ടി പരിക്ക്. പുതുക്കൈ ചൂട്ട്വം കജനായര് ഇല്ലത്തെ നാരായണന് കജനായരാണ്(65) അപകടത്തില് പരിക്കേറ്റത്. വെള്ളിയാഴ്ച ഉച്ചയ്ക്കാണ് സംഭവം. കാസര്കോട്ടേക്കു പോകുകയായിരുന്ന വന്ദേഭാരത് എക്സ്പ്രസാണ് ഇടിച്ചത്.
സംഭവം ശ്രദ്ധയില്പ്പെട്ട എന്ജിന് ഡ്രൈവര് കാഞ്ഞങ്ങാട് റെയില്വേ സ്റ്റേഷനില് വിവരമറിയിക്കുകയായിരുന്നു. റെയില്വേ അധികൃതര് വിവരം നീലേശ്വരം പേലീസ് സ്റ്റേഷനില് അറിയിച്ചു. കിഴക്കന്കൊഴുവലില് നിന്നു കൊഴുന്തില് ഭാഗത്തേക്കുള്ള ചെറിയ റെയില്വേ പാലത്തിനു സമീപം ഇദ്ദേഹം വീണുകിടക്കുന്നതായി കണ്ടെത്തി. തുടര്ന്ന് കാഞ്ഞങ്ങാട് ജില്ലാ ആശുപത്രിയിലെത്തിച്ചു. പരുക്ക് ഗുരുതരമായതിനാല് മംഗളൂരുവിലേക്കു മാറ്റി.