ശ്രീനഗര് : ജമ്മുകാഷ്മീരില് കാര് ഡ്രൈവറെ കൊലപ്പെടുത്തിയ സംഭവത്തില് ഭീകരനെ സുരക്ഷാസേന വധിച്ചു. ബന്ദിപോരെ ജില്ലയിലെ ഹജ്ജിന് മേഖലയിലാണ് സംഭവം. ഭീകരനോടൊപ്പം നാല് അനുയായികളെ സൈന്യം കഴിഞ്ഞ ദിവസം പിടികൂടിയിരുന്നു. ഒക്ടോബര് അഞ്ചിനാണ് മൊഹമ്മദ് ഷാഫിയെ ഭീകരര് കൊലപ്പെടുത്തിയത്. ലഷ്കര്-ഇ-തൊയിബ ഭീകരന് അഹ്മദ് ദാര് എന്നയാളുടെ നേതൃത്വത്തിലുള്ള സംഘമായിരുന്നു കൊലപാതകത്തിന് പിന്നില്.
ഒക്ടോബര് അഞ്ചിന് ജമ്മു കാഷ്മീര് താഴ്വരയില് ഭീകരര് പ്രദേശവാസികളായ മൂന്നു പേരെ ഭീകരര് കൊലപ്പെടുത്തിയിരുന്നു. ഇവരിലൊരാളായിരുന്നു മൊഹമ്മദ് ഷാഫി. മണിക്കൂറുകളുടെ വ്യത്യാസത്തിലാണ് ഓരോ കൊലപതകവും നടന്നത്. അതേസമയം, കാഷ്മീരില് ഭീകരരുമായി ബന്ധമുള്ള 700 ലധികം പേരെ സുരക്ഷാസേന കസ്റ്റഡിയിലെടുത്ത് ചോദ്യം ചെയ്തു വരികയാണ്.
