കോന്നി : കോന്നി തണ്ണിത്തോട് റോഡിൽ പേരുവാലിയിൽ പ്രവർത്തിക്കുന്ന ആരണ്യകം ലഖു ഭക്ഷണശാല കാട്ടാനയുടെ ആക്രമണത്തിൽ ഭാഗികമായി നശിച്ചു. കഴിഞ്ഞ ദിവസം രാത്രിയിൽ ആയിരുന്നു സംഭവം. ഭക്ഷണ ശാലക്കുള്ളിലെ ഇരിപ്പിടം, പാത്രങ്ങൾ, ഉന്തുവണ്ടി, സോഡാ കുപ്പികൾ തുടങ്ങിയവയെല്ലാം കാട്ടാന നശിപ്പിച്ചിട്ടുണ്ട്. മുൻപും പല തവണ ഇവിടെ കാട്ടാനയുടെ ആക്രമണമുണ്ടായിട്ടുണ്ട്. അന്ന് അടുക്കളയുടെ ഒരു ഭാഗം പൂർണമായി ആനകൂട്ടം നശിപ്പിച്ചിരുന്നു. കോന്നി തണ്ണിത്തോട് ചിറ്റാർ റോഡിൽ സഞ്ചരിക്കുന്ന നിരവധി ആളുകൾ ഇവിടെ എത്തി ഭക്ഷണം കഴിച്ച് മടങ്ങാറുണ്ട്.
