തിരുവനന്തപുരം : കവടിയാറിൽ ഉണ്ടായ ദാരുണമായ വാഹനാപകടത്തിൽ ചികിത്സയിലായിരുന്ന നവവരൻ ആഷിക് അന്തരിച്ചു. തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്ന് രാവിലെയാണ് മരണം സംഭവിച്ചത്. കഴിഞ്ഞ വെള്ളിയാഴ്ച നടന്ന ഇതേ അപകടത്തിൽ ആഷിക്കിന്റെ ഭാര്യ നൗഷിദ സംഭവസ്ഥലത്തുതന്നെ മരണപ്പെട്ടിരുന്നു. മരണം ചികിത്സയിലിരിക്കെ അപകടത്തെത്തുടർന്ന് ഗുരുതരമായി പരിക്കേറ്റ ആഷിക്കിനെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയായിരുന്നു. കഴിഞ്ഞ ദിവസം രാത്രി ഒരു ശസ്ത്രക്രിയക്ക് വിധേയനാക്കിയിരുന്നുവെങ്കിലും ഇന്ന് രാവിലെ ആറരയോടെ മരണം സംഭവിക്കുകയായിരുന്നു.
അപകടം നടന്നത് ഇങ്ങനെ കഴിഞ്ഞ വെള്ളിയാഴ്ച കവടിയാറിൽ വെച്ചാണ് നാടിനെ നടുക്കിയ ഈ അപകടം ഉണ്ടായത്. 75 വയസ്സുകാരനായ മോഹൻ തോമസ് ഓടിച്ച കാർ നിയന്ത്രണം വിട്ട് റോഡ് സൈഡിലൂടെ നടന്നുപോവുകയായിരുന്ന ദമ്പതികളെ ഇടിച്ചുതെറിപ്പിക്കുകയായിരുന്നു. ഡ്രൈവർക്ക് പെട്ടെന്ന് ബിപി കുറഞ്ഞ് അബോധാവസ്ഥയിലായതാണ് അപകടത്തിന് കാരണമായതെന്ന് റിപ്പോർട്ടുകൾ. ഈ അപകടത്തിൽ ആകെ ഏഴ് പേർക്കാണ് പരിക്കേറ്റത്.
