ദില്ലി: ചൊവ്വാഴ്ച രാവിലെ തീര്ഥാടകര്ക്കായി ഉത്തരാഖണ്ഡിലെ കേദാര് നാഥ് ക്ഷേത്രം ശൈത്യകാലത്തെ താല്ക്കാലിക അടച്ചിടലിനു തുറന്നു. രാവിലെ ആറരയോടെയാണ് പ്രത്യേക പൂജയോടെ ക്ഷേത്ര നട തുറന്നത്. പ്രധാനമന്ത്രി നരേന്ദ്രമോദിക്ക് വേണ്ടിയുള്ളതായിരുന്നു ഇന്നത്തെ ആദ്യ പൂജ. ഏകദേശം 10,000 തീര്ത്ഥാടകര് നടതുറപ്പ് ചടങ്ങിന് സാക്ഷ്യം വഹിക്കാനെത്തിയിരുന്നു.
ചാര്ധാം യാത്ര തീര്ത്ഥാടകര്ക്ക് അനായാസമാക്കുന്നതിനായി ചെയ്യാനാവുന്നതെല്ലാം ചെയ്യുമെന്ന് ഉത്തരാഖണ്ഡ് മുഖ്യമന്ത്രി പുഷ്കര് സിംഗ് ധാമി കഴിഞ്ഞ ദിവസം വ്യക്തമാക്കിയിരുന്നു. ചാര്ധാം തീര്ത്ഥാടനം സുരക്ഷിതവും ആയാസരഹിതവുമാക്കുന്നതിന് വേണ്ടുന്നതെല്ലാം ചെയ്യും. സാമൂഹിക സംഘടനകളും സന്നദ്ധ സംഘടനകളും യാത്രയ്ക്ക് പൂര്ണ്ണ സഹകരണം നല്കിയിട്ടുണ്ട്. മുന്വര്ഷത്തെ അനുഭവത്തിന്റെ അടിസ്ഥാനത്തില്, യാത്രകള് മുന്നോട്ട് കൊണ്ടുപോകുന്നതിനുള്ള പ്രവര്ത്തനങ്ങള് നടത്തിയെന്ന് മുഖ്യമന്ത്രി പറഞ്ഞു.
