തിരുവനന്തപുരം : ജനങ്ങളെ പ്രതിസന്ധി ഘട്ടത്തില് കൈപിടിച്ചുയര്ത്തുന്നതാകും ബജറ്റെന്ന് ധനമന്ത്രി കെ എന് ബാലഗോപാല്. പുതിയ പിണറായി സര്ക്കാരിന്റെ ആദ്യ ബജറ്റ് മറ്റന്നാള് ആണ് നടക്കുന്നത്. ഈ ബജറ്റ് കഴിഞ്ഞ ബജറ്റിന്റെ തുടര്ച്ചയാകുമെന്നും അദ്ദേഹം പറഞ്ഞു. സംസ്ഥാനത്തിന്റെ തനതു വരുമാനം കൂട്ടുമെന്നും ബജറ്റ് ഊന്നല് നല്കുക പ്രകടനപത്രികയിലെ വാഗ്ദാനങ്ങള് നടപ്പാക്കുന്നതിലാകുമെന്നും അദ്ദേഹം പറഞ്ഞു. ഇപ്പോളത്തെ ലക്ഷ്യം നിലവിലെ പ്രതിസന്ധി മറികടക്കുകയെന്നതാണെന്നും അദ്ദേഹം പറഞ്ഞു.
