പത്തനംതിട്ട : കേരളാ കോൺഗ്രസ് ചെയർമാൻ പി.ജെ ജോസഫിനെതിരെയുള്ള എം.എം മണിയുടെ പരാമർശത്തിൽ കേരളാ കോൺഗ്രസ് പത്തനംതിട്ട ജില്ല കമ്മറ്റി പ്രതിഷേധിച്ചു. പി.ജെ ജോസഫിനെതിരെ ഹീനമായ പരാമർശം നടത്തിയ എം.എം മണിക്കെതിരെ കേരളാ കോൺഗ്രസ് പത്തനംതിട്ട ജില്ല കമ്മറ്റി ശക്തമായ പ്രതിഷേധം രേഖപ്പെടുത്തി. സമൂഹം ബഹുമാനിക്കുന്ന ഉന്നതരായ രാഷ്ട്രീയ നേതാക്കളെ പൊതുജന മധ്യത്തിൽ അപമാനിക്കുവാനുള്ള ഉദ്ദേശ്യത്തോടു കൂടി യുള്ള എം എം മണിയുടെ പ്രസംഗം അങ്ങെയറ്റം അപലപനീയമാണെന്ന് നേതൃ യോഗം അഭിപ്രായപ്പെട്ടു.
മണിക്കെതിരെ കേസെടുത്ത് നടപടി സ്വീകരിക്കുവാൻ സർക്കാർ തയ്യാറാകണമെന്നും യോഗം ആവശ്യപ്പെട്ടു. ജില്ല പ്രസിഡന്റ് അഡ്വ. വർഗ്ഗീസ് മാമ്മന്റെ അധ്യക്ഷതയിൽ കൂടിയ യോഗത്തിൽ സംസ്ഥാന വൈസ് ചെയർമാൻമാരായ ജോസഫ് എം പുതുശ്ശേരി, ഡികെ ജോൺ, ജോൺ കെ മാത്യൂസ്, ട്രഷറാർ ഡോ.എബ്രഹാം കലമണ്ണിൽ, സ്റ്റേറ്റ് അഡ്വൈസർ ജോർജ് കുന്നപ്പുഴ, ഉന്നതാധികാര സമിതി അംഗങ്ങളായ അഡ്വ.ബാബു വർഗ്ഗീസ്, ബിജു ലങ്കാശിരി, ജോർജ് മാത്യു, റോയി ചാണ്ടപ്പിള്ള, ജേക്കബ് കുറ്റിയിൽ, ജില്ലാ ജനറൽ സെക്രട്ടറിമാരായ ഷാജൻ മാത്യു, സാം മാത്യു, യൂത്ത് ഫ്രണ്ട് ജില്ല പ്രസിഡന്റ് ബിനു കുരുവിള, നിയോജകമണ്ഡലം പ്രസിഡന്റ്മാരായ ജോസ് കൊന്നപ്പാറ, രാജീവ് താമരപ്പള്ളി, വൈ രാജൻ എന്നിവർ പ്രസംഗിച്ചു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
