വഖഫ് ഭേദഗതി ബിൽ പാസാക്കിയതിനെ സ്വാഗതം ചെയ്യുന്നു : കേരളാ കൗൺസിൽ ഓഫ് ചർച്ചസ്

പത്തനംതിട്ട : ഭാരതത്തിലെ പൊതുസമൂഹത്തിന് ദോഷകരമായിരുന്ന ഭാഗങ്ങൾ നീക്കം ചെയ്യുന്ന വഖഫ് ഭേദഗതി ബിൽ പാസാക്കിയ നടപടിയെ കേരളാ കൗൺസിൽ ഓഫ് ചർച്ചസ് സ്വാഗതം ചെയ്തു. ഇതിലൂടെ മുനമ്പത്തെ സാധാരണക്കാരായ ജനതയുടെ വിഷമത്തിന് അറുതി വരുത്തിയ കേന്ദ്രസർക്കാരിനെ അഭിനന്ദിക്കുന്നു. പാർലമെൻറിൽ ഇപ്പോൾ പാസാക്കപ്പെട്ട ബില്ലിലെ സെക്ഷൻ 2 എ യിൽ ഏതെങ്കിലും കോടതി വിധിയോ ഉത്തരവോ നിലവിൽ ഉണ്ടായാൽ പോലും ഈ നിയമം നിലവിൽ വരുന്നതിന് മുൻപോ ശേഷമോ നിയമാനുസരണം രജിസ്റ്റർ ചെയ്യപ്പെട്ട ട്രസ്റ്റുകൾക്കോ ഏതെങ്കിലും സ്റ്റാറ്റ്യൂട്ടറി ബോഡിക്ക് കീഴിൽ രജിസ്റ്റർ ചെയ്യപ്പെട്ട ധർമ്മ സ്ഥാപനങ്ങൾക്കോ ഒരു മുസ്ലിം നൽകിയതോ നൽകുന്നതോ ആയ സമർപ്പണത്തിന്റെ ഉദ്ദേശം വക്കഫിലേതു പോലെ മതപരം, ജീവകാരുണ്യപരം, ഭക്തിപരം എന്നിവ ആയിരുന്നാൽ പോലും വക്കഫ് നിയമം ബാധകമായിരിക്കുന്നതല്ല എന്ന പ്രൊവിസോ ചേർത്തതിലൂടെ മുനമ്പം പ്രശ്നത്തിന് നിയമപരമായ പരിഹാരം ഉണ്ടാകുന്നു. സൊസൈറ്റി നിയമപ്രകാരം രജിസ്റ്റർ ചെയ്യപ്പെട്ട ഫറൂഖ് കോളേജിന് നൽകിയതിലൂടെ വസ്തു വഖഫ് അല്ലാതായി. മുനമ്പത്ത് ഉൾപ്പെടെയുള്ള നിരവധി പേരുടെ കണ്ണീരൊപ്പുവാൻ ഈ പ്രൊവിസോ സഹായിക്കുമെന്നും കെ സി സി ജനറൽ സെക്രട്ടറി ഡോ. പ്രകാശ് പി തോമസ് പ്രസ്താവനയിൽ അറിയിച്ചു.

സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍  ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച്  പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1