കേരള ഫിലിം ക്രിട്ടിക്സ് അവാര്ഡുകള് പ്രഖ്യാപിച്ചു. മികച്ച നടനുള്ള അവാര്ഡ് ‘അയ്യപ്പനും കോശിയും’ എന്ന ചിത്രത്തിലൂടെ പൃഥ്വിരാജും ബിജുമേനോനും പങ്കിട്ടു. ‘ജ്വാലാമുഖി’ എന്ന ചിത്രത്തിലെ അഭിനയത്തിന് സുരഭി ലക്ഷ്മിയും ആണും പെണ്ണും, വെള്ളം, വുള്ഫ് എന്നീ ചിത്രങ്ങളിലെ പ്രകടനത്തിന് സംയുക്ത മേനോനും മികച്ച നടിക്കുള്ള അവാര്ഡ് പങ്കിട്ടു.
ജിയോ ബേബി സംവിധാനം ചെയ്ത ‘ദി ഗ്രെയ്റ്റ് ഇന്ത്യന് കിച്ചന് ആണ് 2020ലെ മികച്ച സിനിമയ്ക്കുള്ള പുരസ്കാരത്തിന് അര്ഹമായത്. ചിത്രം നിര്മ്മിച്ചത് ഡിജോ അഗസ്റ്റിന്, ജോമോന് ജേക്കബ്, വിഷ്ണു രാജന്, സജിന് രാജ് എന്നിവര് ചേര്ന്നാണ് . സിദ്ധാര്ത്ഥ ശിവ ആണ് മികച്ച സംവിധായകന് (ചിത്രം:എന്നിവര്). വെള്ളം സിനിമയിലൂടെ സംവിധായകന് പ്രജീഷ് സെന് മികച്ച രണ്ടാമത്തെ ചിത്രത്തിനുള്ള പുരസ്ക്കാരം നേടി
സിനിമാരംഗത്ത് വൈവിദ്ധ്യമാര്ന്ന സിനിമകളിലൂടെ 40 വര്ഷം തികക്കുന്ന സംവിധായകന് കെ.ഹരികുമാറിന് ക്രിട്ടിക്സ് റൂബി ജൂബിലി അവാര്ഡ് സമ്മാനിക്കും. മലയാളി പ്രേക്ഷകരുടെ ഹൃദയത്തില് പ്രതിഷ്ഠ നേടിയ നടന് മാമുക്കോയ, നടന് സായികുമാര്, നടി ബിന്ദു പണിക്കര് എന്നിവര്ക്കു ചലച്ചിത്രപ്രതിഭാ പുരസ്കാരവും സമ്മാനിക്കും. സമഗ്രസംഭാവനകളെ മാനിച്ച് നല്കുന്ന ചലച്ചിത്രരത്നം പുരസ്കാരം മുതിര്ന്ന സംവിധായകന് കെ. ജി. ജോജിന് നല്കും.
തേക്കിന്കാട് ജോസഫ, ബാലന് തിരുമല, ഡോ.അരവിന്ദന് വല്ലച്ചിറ,പ്രൊഫ ജോസഫ് മാത്യു പാലാ, സുകു പാല്ക്കുളങ്ങര, എ.ചന്ദ്രശേഖര് എന്നിവരായിരുന്നു ജൂറി അംഗങ്ങള്. 34 ചിത്രങ്ങളാണ് ജൂറിയുടെ പരിഗണനക്കെത്തിയത്.
