തിരുവനന്തപുരം : സംസ്ഥാനത്ത് രണ്ടു ദിവസം മാറ്റമില്ലാതെ തുടർന്ന ശേഷം സ്വർണവില വെള്ളിയാഴ്ച വർധിച്ചു. ഗ്രാമിന് 15 രൂപയും പവന് 120 രൂപയും വർധിച്ച് ഗ്രാമിന് 4,470 രൂപയും പവന് 35,760 രൂപയുമാണ് ഇന്ന് രേഖപ്പെടുത്തിയിരിക്കുന്നത്. ഗ്രാമിന് 4,455 രൂപയിലും പവന് 35,640 രൂപയിലുമാണ് രണ്ടുദിവസം ആയി വ്യാപാരം നടന്നത്. ഈ മാസം രേഖപ്പെടുത്തുന്ന കുറഞ്ഞ നിരക്കാണിത്. നവംബർ 2 ന് രേഖപ്പെടുത്തിയ 35,840 രൂപയാണ് ഈ മാസത്തെ ഏറ്റവും ഉയർന്ന നിരക്ക്.
രാജ്യാന്തര വിപണിയിലും വെള്ളിയാഴ്ച സ്വർണവില ഉയർന്നു. യുഎസ് ഫെഡറൽ റിസർവ് പലിശ നിരക്ക് ഉയർത്താൻ ഈ ആഴ്ച തീരുമാനിച്ചതിന് പിന്നാലെയാണ് മഞ്ഞ ലോഹത്തിന്റെ വില കുതിച്ചുയരുന്നത്. സ്പോട്ട് ഗോൾഡ് 0.2 ശതമാനം ഉയർന്ന് ഔൺസിന് 1,795.64 ഡോളറിലെത്തി. യുഎസ് സ്വർണ്ണ ഫ്യൂച്ചറുകൾ 0.2 ശതമാനം ഉയർന്ന് 1,796.50 ഡോളറിലെത്തി.
