പത്തനംതിട്ട : കേരളം സെല് ഭരണത്തിലേക്ക് നീങ്ങുന്നതായി സംശയിക്കേണ്ടിരിക്കുന്നെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. സംസ്ഥാനത്ത് പോലീസ് നടത്തുന്ന അക്രമങ്ങള്ക്കെതിരെ ജില്ലയിലെ പോലീസ് സ്റ്റേഷനുകള്ക്ക് മുന്പില് നടത്തിയ ജനകീയ പ്രതിഷേധ സദസ്സുകളുടെ ജില്ലാതല ഉദ്ഘാടനം കോന്നി പോലീസ് സ്റ്റേഷന് മുന്പില് നിര്വഹിച്ച് സംസാരിക്കുകയായിരുന്നു അദ്ദേഹം. ഇ.എം.എസ് സര്ക്കാരിന്റെ കാലത്ത് രാഷ്ട്രീയ പ്രതിയോഗികളെ പോലീസിനെ ഉപയോഗിച്ച് അടിച്ചമര്ത്താന് ശ്രമിച്ചതിനേക്കാള് ക്രൂരമായ സംഭവങ്ങളാണ് പോലീസ് സ്റ്റേഷനുകളില് രാഷ്ട്രീയ പ്രതിയോഗികള്ക്കെതിരെയും സാധാരണക്കാര്ക്കെതിരെയും പോലീസ് ഇപ്പോള് നടത്തുന്നതെന്നും പ്രൊഫ. സതീഷ് കൊച്ചുപറമ്പില് പറഞ്ഞു.
കോന്നി മണ്ഡലം കോണ്ഗ്രസ് കമ്മിറ്റി പ്രസിഡന്റ് പ്രവീണ് പ്ലാവിളയുടെ അദ്ധ്യക്ഷതയില് ചേര്ന്ന യോഗത്തില് ഡി.സി.സി വൈസ് പ്രസിഡന്റ് റോബിന് പീറ്റര്, ഡി.സി.സി ജനറല് സെക്രട്ടറി എസ്.വി. പ്രസന്നകുമാര്, ബ്ലോക്ക് കോണ്ഗ്രസ് കമ്മിറ്റി പ്രസിഡന്റ് ദീനാമ്മ റോയി, യു.ഡി.എഫ് നിയോജക മണ്ഡലം ചെയര്മാന് എസ്. സന്തോഷ് കുമാര്, നിഖില് ചെറിയാന്, ജി.എസ്. സന്തോഷ് കുമാര്, റോജി എബ്രഹാം, അഡ്വ. ഷാജി കുമാര്, റ്റി.എച്ച്. സിറാജുദ്ദീന്, അനി സാബു തോമസ്, എബ്രഹാം വാഴയില്, മനോഹരന്, സൗദാ റഹീം, ജി. ശ്രീകുമാര്, എം.കെ. മനോജ്, ജോയ് തോമസ്, ഷിജു അറപ്പുരയില്, സന്തോഷ് കല്ലേലി, മോന്സി ദാനിയേല്, ഉത്തമന്, പ്രകാശ് പേരങ്ങാട്ട്, രാജു കണ്ണങ്കര തുടങ്ങിയവര് പ്രസംഗിച്ചു.
