തിരുവനന്തപുരം: സംസ്ഥാന പോലീസ് തലപ്പത്ത് വന് അഴിച്ചുപണി വരുന്നു. ഡിജിപിമാരായ ബി സന്ധ്യയും എസ് ആനന്ദകൃഷ്ണനും ഒന്പത് എസ് പി മാരും വിരമിക്കുന്നതോടെയാണ് മാറ്റം. ഫയര്ഫോഴ്സ് മേധാവി ബി സന്ധ്യ, എക്സൈസ് കമ്മീഷണര് എസ് ആനന്ദകൃഷ്ണന് എന്നിവര് നാളെ സര്വ്വീസില് നിന്നും വിമരിക്കും. പോലീസ് ആസ്ഥാനത്തെ എഡിജിപി കെ പത്മകുമാര്, ക്രൈംബ്രാഞ്ച് മേധാവി ഷെയ്ക്ക് ദര്വേസ് സാഹിബ് എന്നിവര് ഡിജിപിമാരാകും. ഇതോടെ തലപ്പത്ത് വലിയ അഴിച്ചുപ്പണിയുണ്ടാകും.
സ്ഥാനകയറ്റം ലഭിക്കുന്ന രണ്ട് ഉദ്യോഗസ്ഥര് ഡിജിപി തസ്തികയിലുള്ള വകുപ്പുകളിലേക്ക് മാറുമ്പോള് പോലീസ് സ്ഥാനം, ക്രൈംബ്രാഞ്ച് എന്നിവടങ്ങളില് ഒഴിവ് വരും. പ്രധാനപ്പെട്ട എഡിജിപി തസ്തികളിലേക്ക് നിയമിക്കാന് ഉദ്യോഗസ്ഥരില്ലാത്തതാണ് സര്ക്കാരിനെ കുഴക്കുന്ന കാര്യം. ഏഴ് എഡിജിപിമാരാണ് ഇപ്പോള് സംസഥാന സര്വീസിലുള്ളത്. എല്ലാവരും നിലവില് പ്രധാനപ്പെട്ട തസ്തികള് വഹിക്കുകയാണ്.
