തിരുവനന്തപുരം : സംസ്ഥാനത്തെ സർക്കാർ ആശുപത്രികളിലെ മരുന്നുകളുടെ കണക്കെടുത്ത് കേരള പോലീസ്. സർക്കാർ മെഡിക്കൽ കോളേജ് ആശുപത്രികൾ മുതൽ പ്രാഥമികാരോഗ്യ, കുടുംബാരോഗ്യ കേന്ദ്രങ്ങൾ വരെയുള്ള എല്ലാ സർക്കാർ ആശുപത്രികളിലേയും മരുന്നുകളുടെ കണക്കെടുക്കാനാണ് തീരുമാനം. മരുന്ന് ലഭ്യത ഉണ്ടോ, സ്റ്റോക്ക് ഉണ്ടോ എന്നീ വിവരങ്ങളാണ് ശേഖരിക്കുന്നത്. കരിഞ്ചന്തയും പൂഴ്ത്തിവെപ്പും ഉൾപ്പടെ കണ്ടെത്താൻ പോലീസ് പരിശോധനയുണ്ടാകുമെന്ന് പുതിയ ഡിജിപി ഷെയ്ഖ് ദർവേഷ് സാഹിബ് നേരത്തെ പറഞ്ഞിരുന്നു. ഇതിന്റെ ഭാഗമായാണ് സർക്കാർ ആശുപത്രികളിലെ മരുന്ന് ലഭ്യത പരിശോധിക്കുന്നതെന്നാണ് വിശദീകരണം. നിലവിൽ മിക്ക ആശുപത്രികളിലും മരുന്ന് ക്ഷാമമുണ്ട്. പക‍ർച്ചപ്പനി കൂടിയായതോടെ പല അവശ്യമരുന്നുകളും കിട്ടാത്ത സ്ഥിതിയാണ്. ഇതിനിടെയാണ് പോലീസിന്റെ കണക്കെടുപ്പ്.
എന്നാൽ എന്ത് മാനദണ്ഡം അനുസരിച്ചാണ് പോലീസ് കണക്കെടുപ്പ് നടത്തുന്നതെന്ന് വ്യക്തമല്ല. കാരണം ആശുപത്രികൾ നൽകുന്ന ഇന്റന്റ് അനുസരിച്ച് രണ്ടോ മൂന്നോ ഘട്ടങ്ങളായാണ് മെഡിക്കൽ സർവീസസ് കോർപ്പറേഷൻ മരുന്നെത്തിക്കുന്നത്. മാത്രവുമല്ല ആശുപത്രിയിൽ ലഭ്യമല്ലാത്ത മരുന്നുകൾ കാരുണ്യയിൽ നിന്ന് വാങ്ങി നൽകാറുമുണ്ട്. ഈ സാഹചര്യത്തിൽ കണക്കെടുപ്പ് കൃത്യമാകുമോ എന്ന സംശയവുമുണ്ട്. നിലവിൽ ആരോഗ്യ വകുപ്പ് ഉദ്യോഗസ്ഥർ തന്നെയാണ് കണക്കെടുക്കുന്നത്. ഈ സാഹചര്യത്തിലെന്തിനാണ് പോലീസ് കണക്കെടുപ്പ് എന്ന ചോദ്യവും ഉയരുന്നുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
