പത്തനംതിട്ട : കേരളാ പ്രദേശ് ഗാന്ധി ദർശൻവേദി ജില്ലാ ചെയർമാനായി ഏബൽ മാത്യുവിനെയും ജനറൽ സെക്രട്ടറിയായി കെ. ജി. റെജിയേയും ഡിസിസി ഓഡിറ്റോറിയത്തിൽ കൂടിയ വാർഷിക സമ്മേളനം തെരഞ്ഞെടുത്തു. അബ്ദുൽ കലാം ആസാദ്, പ്രൊഫ. ജി. ജോൺ, അഡ്വ. ഷൈനി ജോർജ്ജ് വൈസ് ചെയർമാൻമാർ, ആർ. പുഷ്ക്കരൻ, ശ്രീദേവി ബാലകൃഷ്ണൻ, ജോസ് പനച്ചിക്കൽ സെക്രട്ടറിമാർ ബാബു മാമ്പറ്റ ട്രഷറാർ ബിനു എസ്. ചക്കാലയിൽ, രജനി പ്രദീപ്, സജി ദേവി, ഡോ. ഗോപി മോഹൻ, എലിസബേത്ത് അബു സംസ്ഥാന സമ്മേളന പ്രതിനിധികൾ എന്നിവരെയും തെരഞ്ഞെടുത്തു. നാളെ (2022 ഒക്ടോബർ 16) കോട്ടയം പ്രസ്സ് ക്ലബ് ഓഡിറ്റോറിയത്തിൽവെച്ച് നടക്കുന്ന സംസ്ഥാന സമ്മേളനത്തിൽ പുതിയ ഭാരവാഹികൾ സത്യപ്രതിജ്ഞ ചെയ്ത് അധികാരമേൽക്കും.
