കൊച്ചി: സംസ്ഥാന സ്കൂൾ കലോത്സവത്തിൽ മാസ്ക്കും സാനിറ്റൈസറും നിർബന്ധമാക്കി. കലോത്സവത്തിന് എത്തുന്ന എല്ലാവരും മാസ്കും സാനിറ്റൈസറും കൈവശമുണ്ടെന്ന് നിര്ബന്ധമായും ഉറപ്പാക്കണമെന്ന് വിദ്യാഭ്യാസ മന്ത്രി നിര്ദ്ദേശിച്ചു. ലോകമെമ്പാടും വീണ്ടും കോവിഡ് ഭീഷണി നേരിടുന്ന സാഹചര്യത്തിലാണ് പുതിയ തീരുമാനം.ജനുവരി 3നാണ് കലോത്സവം ആരംഭിക്കുന്നത്. രാവിലെ 8.30ന് പൊതു വിദ്യാഭ്യാസ ഡയറക്ടർ പതാക ഉയർത്തും. രാവിലെ 10ന് മുഖ്യമന്ത്രി പിണറായി വിജയനാണ് ഉദ്ഘാടനം ചെയ്യുക. ആദ്യ ദിനം 23 ഇനങ്ങളിൽ മത്സരങ്ങൾ നടക്കും. ആദ്യ ദിവസം എല്ലാ വേദികളിലും രാവിലെ 11നും മറ്റുള്ള ദിവസങ്ങളിൽ രാവിലെ ഒൻപത് മണിക്കുമായിരിക്കും മത്സരങ്ങൾ ആരംഭിക്കുക.
