പന്തളം : കേരള സംസ്ഥാന വ്യാപാരി വ്യവസായി സമിതി പന്തളം ഏരിയ കൺവെൻഷൻ നടന്നു. കൺവെൻഷൻ സമിതി പത്തനംതിട്ട ജില്ലാ സെക്രട്ടറി റോഷൻ ജേക്കബ്ബ് ഉദ്ഘാടനം ചെയ്തു. പന്തളം ഏരിയ ഏരിയ കമ്മിറ്റി പ്രസിഡണ്ട് വി സി തോമസ് അദ്ധ്യക്ഷത വഹിച്ചു. വ്യാപാരി സമിതി ജില്ലാ പ്രസിഡണ്ട് ബിജു വർക്കി മുഖ്യ പ്രഭാഷണം നടത്തി. വ്യാപാരി സമിതിയുടെ അംഗത്വ വിതരണത്തിൻ്റെ പന്തളം ഏരിയതല ഉദ്ഘാടനം ബിജു വർക്കി നിർവ്വഹിച്ചു. സമിതി പന്തളം ഏരിയ ആക്ടിംഗ് സെക്രട്ടറി റജീന സലീം പ്രവർത്തന റിപ്പോർട്ട് അവതരിപ്പിച്ചു.
സി പി ഐ എം പന്തളം ഏരിയ കമ്മിറ്റി സെക്രട്ടറി ആർ ജ്യോതികുമാർ, പന്തളം ലോക്കൽ കമ്മിറ്റി സെക്രട്ടറി എ ഫിറോസ്, വ്യാപാരി സമിതി ജില്ലാ ട്രഷറർ പി കെ ജയപ്രകാശ്, ജില്ലാ കമ്മിറ്റി അംഗം സി രാജേന്ദ്രൻ, കെ ആർ പ്രഭാകരൻ, ജി ഹരികുമാർ, കെ എച്ച് ഷിജു എന്നിവർ സംസാരിച്ചു. ഏരിയ കമ്മിറ്റി ഭാരവാഹികളായി വി സി തോമസ് (പ്രസിഡണ്ട് ) ജി ഹരി കുമാർ, സുനി മോൾ(വെെസ് പ്രസിഡണ്ടന്മാർ) കെ ആർ പ്രഭാകരൻ (സെക്രട്ടറി ) കെ എച്ച് ഷിജു, പി എൻ അശോകൻ, ജലജ ഉണ്ണികൃഷ്ണൻ(ജോയിൻ സെക്രട്ടറിമാർ ) എസ് ഷെരീഫ് (ട്രഷറർ ) എന്നിവരെ തിരഞ്ഞെടുത്തു. ഏരിയ പ്രസിഡണ്ട് വി സി തോമസ് പതാക ഉയർത്തി.
