മുംബൈ: കേരള സ്റ്റോറിയുടെ സംവിധായകന് സുദീപ്തോ സെന്നിനെ ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ആശുപത്രിയില് പ്രവേശിപ്പിച്ചു. നിര്ജലീകരണവും അണുബാധയും മൂലമാണ് സംവിധായകനെ മുംബൈയിലെ കോകിലാബെന് ധീരുഭായ് അംബാനി ആശുപത്രിയില് പ്രവേശിപ്പിച്ചത്. ഒരു മാധ്യമത്തിന് നല്കിയ അഭിമുഖത്തില്, ദി കേരള സ്റ്റോറി സംവിധായകന് തന്റെ ആരോഗ്യനില സംബന്ധിച്ച് വ്യക്തമാക്കിയിട്ടുണ്ട്.
‘നിര്ജ്ജലീകരണവും അണുബാധയും കാരണം കോകിലാബെന് ആശുപത്രിയില് പ്രവേശിപ്പിച്ചിരിക്കുകയാണ്. എന്നാല് ആരോഗ്യനില നിയന്ത്രണത്തിലാണ്. ഇന്ന് എന്നെ ഡിസ്ചാര്ജ് ചെയ്യാന് സാധ്യതയുണ്ട്. എന്നെ വീട്ടിലേക്ക് പോകാന് അനുവദിക്കണമെന്ന് ഞാന് ഡോക്ടറോട് അഭ്യര്ത്ഥിച്ചിട്ടുണ്ട്’ – ടൈംസ് ഓഫ് ഇന്ത്യയോട് സംസാരിച്ച സുദീപ്തോ സെന് പറഞ്ഞു.
