കൊച്ചി: കേരള സ്റ്റോറി സിനിമയുടെ പ്രദര്ശനം അടിയന്തരമായി സ്റ്റേ ചെയ്യണമെന്ന ആവശ്യം ഹൈക്കോടതി ഡിവിഷന് ബെഞ്ച് നിരസിച്ചു. കേസില് സെന്സര് ബോര്ഡിനോട് ഉള്പ്പെടെ കോടതി വിശദീകരണം തേടി. കേസ് ഈ മാസം അഞ്ചിന് വീണ്ടും പരിഗണിക്കുമെന്ന് ഹൈക്കോടതി അറിയിച്ചു. രാജീവ് ഗാന്ധി സ്റ്റഡി സര്ക്കിള് ഭാരവാഹിയാണ് സിനിമയ്ക്കെതിരെ കോടതിയെ സമീപിച്ചത്. ജസ്റ്റിസുമാരായ നഗരേഷ്, മുഹമ്മദ് നിയാസ് എന്നിവരടങ്ങിയ ബെഞ്ചാണ് ഹര്ജി പരിഗണിച്ചത്.
അതേസമയം ‘ദി കേരള സ്റ്റോറി’ എന്ന സിനിമയുടെ ടീസര് പുറത്തു വന്നത് മുതല് ചിത്രത്തെക്കുറിച്ചുള്ള വിവാദങ്ങളും ചര്ച്ചകളും ചൂടുപിടിക്കുന്നതിനിടയില് സിനിമയിലെ അവകാശവാദം തിരുത്തി നിര്മാതാക്കള്. കേരളത്തിലെ 32,000 യുവതികള് മതം മാറി ഐഎസില് ചേര്ന്നുവെന്ന ഭാഗം മൂന്നുപേര് എന്നാക്കി. സിനിമയുടെ ട്രെയ്ലറിന്റെ യൂട്യൂബ് ഡിസ്ക്രിപ്ഷനിലാണ് മാറ്റം വരുത്തിയത്. മൂന്നു യുവതികളുടെ ജീവിതം ഇല്ലാതായ കഥ എന്നാണ് ട്രെയ്ലറിന്റെ പുതിയ ഡിസ്ക്രിപ്ഷന്.
