തിരുവനന്തപുരം : സംസ്ഥാനത്ത് വീണ്ടും സ്വർണ വില വർധിച്ചു. ഈ മാസം രേഖപ്പെടുത്തുന്ന ഏറ്റവും ഉയർന്ന വില ശനിയാഴ്ച രേഖപ്പെടുത്തി. ഗ്രാമിന് 25 രൂപയും പവന് 200 രൂപയും വർധിച്ച് ഗ്രാമിന് 4490 രൂപയും പവന് 35,920 രൂപയും ആണ് ഇന്നത്തെ സ്വർണ വില. തുടർച്ചയായ രണ്ടു ദിവസങ്ങളിൽ ഒരേ വില തുടർന്ന ശേഷം സ്വർണവില വെള്ളിയാഴ്ച വർധിച്ചിരുന്നു.
ഗ്രാമിന് 15 രൂപയും പവന് 120 രൂപയും വർധിച്ചു ഗ്രാമിന് 4465 രൂപയിലും പവന് 35,720 രൂപയിലുമായിരുന്നു ഇന്നലെ വ്യാപാരം നടന്നത്. സ്വർണത്തിന് ഏറ്റവും കുറഞ്ഞ വില രേഖപ്പെടുത്തിയത് മെയ്‌ 1, 2 തീയതികളിൽ ആയിരുന്നു. പവന് 35,040 എന്ന നിരക്കായിരുന്നു. അതേ സമയം ആർബിഐ അടുത്ത സോവറിൻ ഗോൾഡ് ബോണ്ട് വില്പന പ്രഖ്യാപിച്ചിട്ടുണ്ട്. തിങ്കളാഴ്ച ആരംഭിക്കുന്ന ആദ്യ ശ്രേണിയുടെ വില്പന 21ന് അവസാനിക്കും.
