കൊച്ചി: അമേരിക്കയിലെ ഫ്ലോറിഡ മിയാമിയിലുണ്ടായ കാറപകടത്തില്, ഉഴവൂര് സ്വദേശിനിയായ വനിതാ ഡോക്ടര്ക്ക് ദാരുണാന്ത്യം. ഉഴവൂര് കുന്നുംപുറത്ത് തോമസ്, ത്രേസ്യാമ്മ (കുറുപ്പുന്തറ, കണ്ടച്ചാം പറമ്പില്) ദമ്പതികളുടെ മകള് ഡോ. നിത കുന്നുംപുറത്ത് (30) ആണ് മരിച്ചത്.
നിത രാത്രി ഡ്യൂട്ടി കഴിഞ്ഞ് താമസസ്ഥലത്തേക്ക് ഡ്രൈവ് ചെയ്തു വരുമ്പോള് കാര് കനാലിലേക്ക് പതിക്കുകയായിരുന്നു. മുതലകളുള്ള കനാലിലാണ് അപകടം സംഭവിച്ചത്. രാവിലെ നടക്കാനിറങ്ങിയവരാണ് അപകടം കണ്ടത്. തുടര്ന്ന് പോലീസിനെ വിവരം അറിയിക്കുകയും പോലീസെത്തി തുടര്നടപടി കൈക്കൊള്ളുകയുമായിരുന്നു.
അപകടവിവരമറിഞ്ഞ് ഷിക്കാഗോയിലുള്ള ബന്ധുക്കള് ഫ്ലോറിഡയില് എത്തിയിട്ടുണ്ട്. മൃതദേഹം ഷിക്കാഗോയില് സംസ്കരിക്കുമെന്ന് പിതൃസഹോദരന് സ്റ്റീഫന് പറഞ്ഞു. മാതാപിതാക്കളും സഹോദരങ്ങളും ഷിക്കാഗോയിലാണ്. സഹോദരങ്ങള് : നിതിന്, നിമിഷ.
