ചെട്ടികുളങ്ങര : പൂട്ടിപ്പോയ കേരളാ ഹൌസിംഗ് ഫിനാന്സ് ലിമിറ്റഡ് (KHFL) ല് വന്തുക നിക്ഷേപിച്ച ഒരാള്കൂടി മരണമടഞ്ഞു. ചെട്ടികുളങ്ങര സ്വദേശി കെ.കെ രവികുട്ടന് (71) ആണ് മരിച്ചത്. സംസ്കാരം ഇന്ന് രണ്ടുമണിക്ക് വീട്ടുവളപ്പില് നടക്കും. ഇദ്ദേഹത്തിന്റെ 1.14 കോടി രൂപയുടെ നിക്ഷേപം കെ.എച്ച്.എഫ്.എല് എന്ന സ്വകാര്യ ധനകാര്യ സ്ഥാപനത്തില് ഉണ്ടായിരുന്നതായി മറ്റുള്ള നിക്ഷേപകര് പറയുന്നു. പണം തിരികെ കിട്ടുമോ എന്ന കടുത്ത ആശങ്കയും ഇദ്ദേഹത്തിനുണ്ടായിരുന്നതായി പറയുന്നു.
മൂന്നു വര്ഷം മുമ്പാണ് തിരുവനന്തപുരം കേന്ദ്രമാക്കി പ്രവര്ത്തിച്ചുവന്ന കേരളാ ഹൌസിംഗ് ഫിനാന്സ് ലിമിറ്റഡ് (KHFL) പൂട്ടിയത്. ഇരുപത്തിയെട്ടോളം ബ്രാഞ്ചുകള് ഈ സ്വകാര്യ ധനകാര്യ സ്ഥാപനത്തിന് ഉണ്ടായിരുന്നു. ഈ സ്ഥാപനത്തിന്റെ കോഴഞ്ചേരി ശാഖയിലെ ജീവനക്കാരിയായിരുന്നു വിവാദ നായിക സരിത. അടൂര് സ്വദേശി ഉണ്ണികൃഷ്ണന് നായര് എന്നയാളാണ് ഇതിന്റെ ചെയര്മാന്. സ്ഥാപനം പൂട്ടിയതിനെ തുടര്ന്ന് ഇദ്ദേഹത്തെ അറസ്റ്റ് ചെയ്തിരുന്നെങ്കിലും ഇപ്പോള് ജാമ്യത്തിലാണ്.
