കില പരിശീലനം ചൊവ്വാഴ്ച മുതൽ

റാന്നി: തദ്ദേശ സ്വയംഭരണതലത്തിൽ കണ്ടെത്തിയിട്ടുള്ള അതി ദരിദ്രരായ കുടുംബങ്ങളെ പുനരധിവസിപ്പിക്കുന്നതിലേക്ക് വാർഷിക പദ്ധതിയിൽ ഉൾപ്പെടുത്തി സൂഷ്മ സംരംഭങ്ങൾ തയ്യാറാക്കുന്നതുമായി ബന്ധപ്പെട്ട് പഞ്ചായത്തു തല ഉദ്യോഗസ്ഥർക്കും പ്രാദേശിക സമിതി അംഗങ്ങൾക്കുമുള്ള അങ്ങാടി പഞ്ചായത്തുതല കില പരിശീലനം സെപ്റ്റംബർ 27 ചൊവ്വാഴ്ച രാവിലെ 9.30 മുതൽ പഞ്ചായത്ത് ഹാളിൽ നടക്കും. 28 ബുധനാഴ്ച വെച്ചൂച്ചിറ, 29 വ്യാഴം പഴവങ്ങാടി, 30 വെള്ളി നാറാണംമൂഴി, ഒക്ടോബർ 1 ശനി റാന്നി-പെരുനാട് പഞ്ചായത്തുകളിലും കില ഏക ദിന പരിശീലനം സംഘടിപ്പിക്കുമെന്ന് കില ബ്ലോക്ക് കോർഡിനേറ്റർ വി.കെ.രാജഗോപാൽ അറിയിച്ചു.