ചാരുംമൂട്: അസോസിയേഷൻ ഓഫ് സ്കൂൾസ് ഫോർ ദി ഇന്ത്യൻ സ്കൂൾസ് സർട്ടിഫിക്കറ്റ് കേരള റീജിൻ ബി സോൺ ആൺകുട്ടികളുടെ ബാസ്കറ്റ് ബോൾ ടൂർണമെന്റിൽ അണ്ടർ 14 വിഭാഗത്തിൽ ചെറിയനാട് സെന്റ് ജോസഫ്സ് സ്കൂൾ, അണ്ടർ 17 വിഭാഗത്തിൽ ചാരുംമൂട് പറയംകുളം സെന്റ് ജോസഫ്സ് കോൺവന്റ് ഇംഗ്ലീഷ് മീഡിയം സ്കൂൾ, അണ്ടർ 19 വിഭാഗത്തിൽ വെണ്ണിക്കുളം ബഥനി അക്കാദമി എന്നിവർ ജേതാക്കളായി. അണ്ടർ 14 ൽ ചങ്ങനാശേരി ക്രിസ്തുജ്യോതി, അണ്ടർ 17 ൽ കുറിയന്നൂർ ഗുഡ് ഷെപ്പേർഡ്, അണ്ടർ 19 ൽ കോട്ടയം കെഇ മാന്നാനം എന്നിവർ രണ്ടാം സ്ഥാനം നേടി. അണ്ടർ 14 ൽ അശ്വന്ത് (ചെറിയനാട് സെന്റ് ജോസഫ്സ്), അണ്ടർ 17 ൽ അവിനാഷ് എസ്. ശേഖർ (പറയംകുളം സെന്റ് ജോസഫ്സ്), അണ്ടർ 19 ൽ എബീസ് (വെണ്ണിക്കുളം ബഥനി) എന്നിവർ മികച്ച താരങ്ങളായി തിരഞ്ഞെടുക്കപ്പെട്ടു.
സമാപന സമ്മേളനം പറയംകുളം സെന്റ് ജോസഫ്സ് കോൺവന്റ് ഇംഗ്ലീഷ് മീഡിയം സ്കൂൾ പ്രിൻസിപ്പൽ സിസ്റ്റർ ഡോ.സൗമ്യ ചെപ്പുകാലായിൽ ഉദ്ഘാടനം ചെയ്തു. അജീഷ് നൂറനാട്, ബിനു തങ്കച്ചൻ മാവേലിക്കര എന്നിവർ സമ്മാനദാനം നടത്തി. റെഫീഖ് മുഹമ്മദ്, അനന്തു കൃഷ്ണൻ, അനന്തൻപിള്ള, കെ രാജു, അഖിൽ അനിയൻ, ഡെസ്മൻഡ് ടിറ്റോ, ഇന്ദു ഉണ്ണികൃഷ്ണൻ, മിനി രജി, ശ്രീലത ശ്രീകുമാർ, ഐഷാബീവി തുടങ്ങിയവർ പ്രസംഗിച്ചു. ആലപ്പുഴ, പത്തനംതിട്ട, കോട്ടയം ജില്ലകളിലെ 26 സ്കൂളുകളിൽ നിന്നുള്ള ടീമുകൾ മത്സരത്തിൽ പങ്കെടുത്തു.