റാന്നി : തദ്ദേശ സ്വയംഭരണ സ്ഥാപനങ്ങൾ കണ്ടെത്തിയിട്ടുള്ള അതി ദരിദ്രർക്ക് ഉപജീവനത്തിനായി മൈക്രോ പ്ലാനുകൾ തയ്യാറാക്കുന്നതുമായി ബന്ധപ്പെട്ട് ബ്ലോക്ക്, ഗ്രാമ പഞ്ചായത്ത് ജനപ്രതിനിധികൾക്കായി കിലയുടെ ആഭിമുഖ്യത്തിൽ ഏകദിന പരിശീലനം സെപ്റ്റംബർ 3 ശനിയാഴ്ച രാവിലെ 9.30 മുതൽ റാന്നി ബ്ലോക്ക് ഹാളിൽ നടക്കും.
അതിദരിദ്ര പുനരിധിവാസത്തിനുള്ള വിവിധ പദ്ധതികൾ, അവ സമയബന്ധിതമായി നടപ്പിലാക്കുന്നതിനുള്ള സർക്കാർ നടപടിക്രമങ്ങൾ എന്നിവ ക്ലാസിൽ കില വിദഗ്ധർ വിശദീകരിക്കുമെന്ന് ബ്ലോക്ക് കോർഡിനേറ്റർ വി.കെ രാജഗോപാൽ അറിയിച്ചു.
