കൊച്ചി : കൊല്ലം കിളികൊല്ലൂരിൽ സൈനികൻ ഉൾപ്പെടെ പോലീസ് മര്ദനത്തിന് ഇരയായ സംഭവത്തിൽ മജിസ്ട്രേട്ടിനെതിരെ പരാതി. കൊല്ലം ജുഡീഷ്യല് ഫസ്റ്റ് ക്ലാസ് മജിസ്ട്രേട്ടിനെതിരെയാണ് ഹൈക്കോടതി റജിസ്ട്രാർക്ക് പൂര്വവ്വസൈനിക സേവാ പരിഷത്ത് പരാതി നൽകിയത്. സൈനികനും സഹോദരനും മര്ദനമേറ്റ വിവരം മജിസ്ട്രേട്ടിനോട് പറഞ്ഞതായി പരാതിയിൽ ഉണ്ട്.
പോലീസ് കസ്റ്റഡിയില് മര്ദനമേറ്റതു മനസ്സിലാക്കിയിട്ടും മജിസ്ട്രേട്ട് ചികിത്സ ഉറപ്പാക്കാതെ പോലീസ് ആവശ്യപ്പെട്ട പ്രകാരം മജിസ്ട്രേട്ട് ഇരകളെ റിമാന്ഡ് ചെയ്യുകയായിരുന്നു. നിരുത്തരവാദ നടപടി സ്വീകരിച്ച മജിസ്ട്രേട്ടിനെതിരെ നടപടി വേണമെന്നാണ് പരാതിക്കാരുടെ ആവശ്യം.
