റാന്നി : പരിസ്ഥിതി ലോല മേഖല പ്രശ്നത്തില്‍ സുപ്രീം കോടതിയിൽ സർക്കാർ പുന:പരിശോധന ഹർജി നൽകണമെന്ന് കിസാൻസഭ റാന്നി മണ്ഡലം കമ്മിറ്റി ആവശ്യപ്പെട്ടു. സുപ്രീംകോടതിയുടെ പുതിയ ഉത്തരവനുസരിച്ച് വനവുമായി അതിർത്തി പങ്കിടുന്ന പ്രദേശങ്ങളിൽ ഒരു കിലോമീറ്റർ ചുറ്റളവിൽ നിർമ്മാണം പാടില്ല എന്ന വിധിയിൽ സർക്കാർ പുന:പരിശോധന ഹർജി നൽകണം. റാന്നി താലൂക്കിൽ ചില വില്ലേജുകളും ഈ പരിധിയിൽ ഉൾപ്പെട്ടിട്ടുണ്ട്.
കേരളം പോലെ ജനസാന്ദ്രത കൂടിയ സംസ്ഥാനങ്ങളിൽ ഈ നിയമം സാഹചര്യം പരിശോധിച്ചശേഷം നടപ്പിലാക്കണമെന്ന് കിസാൻ സഭ ആവശ്യപ്പെട്ടു. കിസാൻസഭ റാന്നി മണ്ഡലം കമ്മിറ്റിയുടെ മെമ്പർഷിപ്പ് ക്യാംപയിൻ ജില്ലാ വൈസ്പ്രസിഡൻറ് ജോജോ കോവൂർ ഉദ്ഘാടനം ചെയ്തു. എൻ,ജി. പ്രസന്നൻ അദ്യക്ഷത വഹിച്ചു. പി.സി ഏബ്രഹാം, ജോയി വള്ളിക്കാല, സാബു പി ജോയി, എം എം ഉസ്മാൻഖാൻ, സജി ഇടത്തറ, ബിജു മോതിരവയൽ, ബിജു പൂവമ്മല, സജി ഇടത്തറ എന്നിവർ പ്രസംഗിച്ചു.
