ആലപ്പുഴ : കണിച്ചുകുളങ്ങര എസ്എന്ഡിപി യൂണിയന് സെക്രട്ടറിയായിരുന്ന കെ കെ മഹേശന്റെ ആത്മഹത്യയില് ഐ ജി ഹര്ഷിത അത്തല്ലൂരിക്കെതിരെ ഗുരുതര ആരോപണവുമായി കുടുംബം. പ്രത്യേക അന്വേഷണ സംഘം തലവനായിട്ടും ഒരു തവണ പോലും മഹേശന്റെ കുടുംബത്തെ കാണാന് ഐ ജി തയ്യാറായില്ല. പരാതിക്കാരിയായ കെ കെ മഹേശന്റെ ഭാര്യ ഉഷയയുടെ മൊഴി പൊലും ഐ ജി എടുത്തില്ല. ഐ ജി സ്വാധീനത്തിന് വഴിപ്പെട്ടൊ എന്ന് സര്ക്കാര് അന്വേഷിക്കണമെന്നും മഹേശന്റെ അനന്തരവന് അനില് പറഞ്ഞു.
കണിച്ചുകുളങ്ങര എസ്എന്ഡിപി യൂണിയന് സെക്രട്ടറിയായിരുന്നു കെ കെ മഹേശന്റെ മരണത്തില് വെള്ളാപ്പള്ളി നടേശനെ ഒന്നാം പ്രതിയാക്കി മാരാരിക്കുളം പോലീസ് കേസ് രജിസ്റ്റര് ചെയ്തിരിക്കുകയാണ്. മാനേജര് കെ എല് അശോകന്, തുഷാര് വെള്ളാപ്പള്ളി എന്നിവരാണ് കേസിലെ രണ്ടും മൂന്നും പ്രതികള്. ഗൂഢാലോചന, ആത്മഹത്യ പ്രേരണ ഉള്പ്പടെയുള്ള വകുപ്പുകളാണ് പ്രതികള്ക്കെതിരെ ചുമത്തിയിരിക്കുന്നത്.
