പത്തനംതിട്ട : പഴയ എം.എല്‍.എയുടെ വീട്ടുമുറ്റത്ത് പുതിയ എം.എല്‍.എ തൈ നട്ടു. പത്തനംതിട്ട ജില്ലയുടെ ശില്പിയും കോണ്‍ഗ്രസ് നേതാവുമായിരുന്ന കെ.കെ.നായരുടെ വീട്ടുമുറ്റത്താണ് നിലവിലെ ആറന്മുള എം.എല്‍.എ വീണാ ജോര്‍ജ്ജ് ഓര്‍മ്മ മരം നട്ടത്. ഹരിതം 2020 എന്ന പേരിൽ സി പി ഐ ജില്ലാ കൗൺസിൽ ആരംഭിച്ച ഓർമ്മ മരം പദ്ധതിയുടെ മണ്ഡലതല ഉദ്ഘാടനം നിര്‍വഹിക്കുകയായിരുന്നു വീണാ ജോര്‍ജ്ജ്. ചടങ്ങില്‍ വി കെ പുരുഷോത്തമൻ പിള്ള, അബ്ദുൽ ഷുക്കൂർ, കെ ജയകുമാർ, കൃഷ്ണകുമാർ, ദിനേഷ് കുമാർ, കുമാർ അഴൂർ എന്നിവർ പങ്കെടുത്തു.
