കൊച്ചി : രാജ്യാന്തര വിമാനത്താവളത്തിൽ വിമാനമിറങ്ങിയ ആദ്യ യാത്രികൻ ഇനി ഓർമ. പുളിഞ്ചോട് പൂത്തോപ്പിൽ ഹിബ വീട്ടിൽ പി.കെ. അബ്ദുൽ റഊഫ് (71) ആണ് അന്തരിച്ചത്. ഇരിങ്ങാലക്കുട കരുവന്നൂർ സ്വദേശിയാണ്. സൗദി ദമാമിൽ അൽ മുഹന്ന ട്രാവൽസ് മാനേജരായിരുന്നു. നെടുമ്പാശേരിയിൽ വിമാനത്താവളം ഉദ്ഘാടനം ചെയ്ത ശേഷം ആദ്യമെത്തിയ ദമാം– കൊച്ചി എയർ ഇന്ത്യ വിമാനത്തിൽ നിന്ന് ആദ്യം പുറത്തിറങ്ങിയ റഊഫിനെ അന്നത്തെ സിയാൽ എംഡി വി.ജെ. കുര്യൻ പൂച്ചെണ്ട് നൽകി സ്വീകരിച്ചിരുന്നു. 1999 ജൂൺ പത്തിനാണ് നെടുമ്പാശ്ശേരി വിമാനത്താവളം പ്രവർത്തനം തുടങ്ങിയത്.
ഭാര്യ: ആലുവ ഐക്കരക്കുടി തോപ്പിൽ അസ്മാ ബീവി. മക്കള്‍: റഫ്‌ന (ദുബായ്), ഹാത്തിബ് മുഹമ്മദ് (സൗദി), ഹിബ (ദുബായ്). മരുമക്കള്‍: കൊടുങ്ങല്ലൂര്‍ കറുകപ്പാടത്ത് ഷാജഹാന്‍ (ദുബായ്), ആലുവ ഐക്കരക്കുടി റൈസ (സൗദി), എടത്തല വള്ളൂര്‍ അസ്ലം (ദുബായ്).
