കൊച്ചി : കൊടകര കള്ളപ്പണ കവർച്ചാ കേസ് അന്വേഷണത്തിൽ കൂടുതൽ സമയം ആവശ്യപ്പെട്ട് എൻഫോഴ്‌സ്‌മെന്റ് ഡയറക്ടറേറ്റ്. കേസിൽ ഇ ഡി ആവശ്യപ്പെട്ടത് രണ്ടാഴ്ചത്തെ സമയം. പോലീസിൽ നിന്നും ലഭിച്ച വിവരങ്ങൾ പരിശോധിക്കുകയാണെന്നും ഇ ഡി അറിയിച്ചു. സ്റ്റേറ്റ് മെന്റ് ഫയൽ ചെയ്യാനാണ് കൂടുതൽ സമയം ആവശ്യപ്പെട്ടതെന്ന് ഇ ഡി.
കൊടകര കള്ളപ്പണ കവർച്ചാ കേസ് ഹൈക്കോടതിയിൽ ഹർജി എത്തിയതിന് ശേഷം പല തവണ ഈ കേസിൽ ഇ ഡി അന്വേഷണം മാറ്റിവെച്ചിരുന്നു. സ്റ്റേറ്റ്മെന്റ് ഫയൽ ചെയ്യാൻ പല തവണ ഇ ഡിയോട് ആവശ്യപ്പെട്ടിട്ടും അവർ ഫയൽ ചെയ്‌തിരുന്നില്ല. കൂടുതൽ സമയം ആവശ്യപ്പെടുകയായിരുന്നു.
പോലീസിൽ നിന്ന് വിവരങ്ങൾ ശേഖരിച്ചതിന് ശേഷം കൂടുതൽ തെളിവുകൾ പരിശോധിച്ചു വരികയാണെന്നും പറഞ്ഞു. ഇക്കാര്യത്തിൽ കൂടുതൽ വ്യക്തത വരുത്താനുണ്ടെന്ന് പല തവണ ഇഡി പറഞ്ഞതാണ്. കേസിൽ ഇഡി ഇന്ന് ആവശ്യപ്പെട്ടത് രണ്ടാഴ്ചത്തെ കൂടി സമയമാണ്.
ഈ കേസ് നേരിട്ട് ഫയൽ ചെയ്യുന്നതിനുള്ള തെളിവുകൾ ഇതുവരെ ലഭിച്ചില്ല. വിവരങ്ങൾ ശേഖരിച്ച് വരുന്നതേയുള്ളു. കൂടുതൽ സമയം വേണ്ടി വരും എന്നാണ് ഇ ഡി പറയുന്നത്. രണ്ടാഴ്ച്ചയ്ക്ക് ശേഷം കേസ് വീണ്ടും ഹൈക്കോടതിയിൽ പരിഗണിക്കും.
