അടൂര് : കൊടുമണ് കിഴക്ക് ഗവണ്മെന്റ് (എസ്)എല്.പി.എസ് കെട്ടിടം ചിറ്റയം ഗോപകുമാര് എം.എല്.എ ഉദ്ഘാടനം ചെയ്തു. കൊടുമണ് ഗ്രാമപഞ്ചായത്ത് പ്രസിഡന്റ് കുഞ്ഞന്നാമ്മ കുഞ്ഞ് അധ്യക്ഷതവഹിച്ചു. ചിറ്റയം ഗോപകുമാര് എംഎല്എയുടെ ആസ്തി വികസന ഫണ്ടില്നിന്ന് 25 ലക്ഷം രൂപ ചെലവിലാണു കെട്ടിട നിര്മ്മാണം പൂര്ത്തീകരിച്ചത്.
ജില്ലാ പഞ്ചായത്ത് മെമ്പര് ആര്.ബി രാജീവ് കുമാര്, ബ്ലോക്ക് പഞ്ചായത്ത് പ്രസിഡന്റ് ബീന പ്രഭ, ബ്ലോക്ക് പഞ്ചായത്ത് വൈസ് പ്രസിഡന്റ് എസ്.രാധാകൃഷ്ണന്, ഗ്രാമപഞ്ചായത്ത് വൈസ് പ്രസിഡന്റ് എം.ആര്.എസ് ഉണ്ണിത്താന്, സ്റ്റാന്ഡിങ് കമ്മിറ്റി ചെയര്മാന്മാരായിട്ടുള്ള എന്.കെ ഉദയകുമാര്, ജെ.ശാരദ, ലളിത രവീന്ദ്രന്, പി.ഡബ്ല്യൂ.ഡി എക്സിക്യൂട്ടീവ് എഞ്ചിനീയര് ഹരീഷ് കുമാര്, സ്കൂള് ഹെഡ്മാസ്റ്റര് അബൂബക്കര്, വികസന സമിതി ചെയര്മാന് ബിബിന് കുമാര്, എ.ഇ.ഒ വിജയലക്ഷ്മി, ബി.പി.ഒ കെ.എന് ശ്രീകുമാര്, ഇംപ്ളിമെന്റിംഗ് ഓഫീസര്മാരായ രാജന് ഡി. ബോസ്, സ്കൂള് വികസന പ്രവര്ത്തനങ്ങളില് പങ്കാളിയായ കൊടുമണ് ഗോപിനാഥന് തുടങ്ങിയവര് പങ്കെടുത്തു.
