പുല്ലാട് : കോയിപ്പുറം പോലീസ് സബ് ഇൻസ്പെക്ടർ എസ്. അനൂപിനെതിരെ കേസ് എടുക്കാൻ കോടതി ഉത്തരവ്. സന്നദ്ധപ്രവർത്തകനും സഹകരണ ജീവനകാരനുമായ പുല്ലാട് ചെറിയകത്ത് വീട്ടിൽ ടി അനിൽ കുമാറിനെ 2021 ഡിസംബർ 20 പുലർച്ചെ വീട്ടിൽ നിന്നും കസ്റ്റഡിയിൽ എടുത്തു പോലീസ് സ്റ്റേഷനിൽ എത്തിച്ചു മർദിച്ചു എന്ന കേസിലാണ് കോടതി ഉത്തരവ് പുറപ്പെടുവിച്ചത്.
ജാമ്യത്തിലിറങ്ങിയ അനിൽകുമാർ പത്തനംതിട്ട ഫസ്റ്റ് ക്ലാസ്സ് മജിസ്ട്രേറ്റ് കോടതിയിൽ സ്വകാര്യ അന്യായം ഫൈയൽ ചെയ്യുകയായിരുന്നു. ഈ സ്വകാര്യ അന്യായത്തിലെ വാദത്തിനിടയിൽ ആണ് കോയിപ്പുറം പോലീസ് സബ് ഇൻസ്പെക്ടർക്കെതിരെ കേസ് എടുത്തു അന്വേഷണം നടത്താൻ പത്തനംതിട്ട ഫസ്റ്റ് ക്ലാസ്സ് മജിസ്ട്രേറ്റ് എൻ എൻ സി ജി ഉത്തരവിട്ടത്. അഭിഭാഷകരായ ബി ഗോപകുമാർ , എ ഷബീർ അഹമദ്, എന്നിവർ കേസിൽ ഹാജരായി.
